Kenderc’hel a ra Splann ! da gelaouiñ ac’hanoc’h war an nevezentioù a zeu da heul e enklask war an amoniak e Breizh.

Engouestl a ra Air Breizh evezhiiñ a-dost an dilaoskadennoù amoniak er vro. 2,7 M€ : setu ar sammad rannet etre hennezh, ur gevredigezh kadarnaet gant ministrerezh an treuskemm ekologel, ha kambr rannvroel al labour-douar. Dont a ra an argant deus ar C’homision European (ha klokaet gant ar Stad) dre ar program LIFE. 

Krouet e vo ur rouedad labourizien-douar evit lakaat war wel hag aesaat an « teknikoù gwellañ dijabl » (MTD), e-mesk ar re-se ez eus teknikoù skuilherez (épandage). Evit ar poent e vezont koñsideret evel « diwellus ».

Ken 2030 emañ sañset digreskiñ an dilaoskadennoù amoniak a 15 % e Breizh, ha ranniñ dre zaou an deizioù saotradur. Setu ar pezh a zo sañset bezañ graet gant ar yalc’hadoù argant publik displeget a-us.

🙌   Embannet e oa bet enklask « Splann ! » Un nebeut deizioù a-raog respont ar yalc’herien… Kouezhet eo just e- koulz, a lâre rener Air Breizh en atersadenn gant Cbreton e miz Gouel-Mikel (miz Here).