An Annelies Ilena a zo anezhañ al lestr-pesketa ar muiañ dekriet er bed. Abaoe 2024 e vez korvoet gant Compagnie des pêches Sant-Maloù. Skoet e voe ar filierenn…
Un afer brevez eo kelenn al labour-douar e Breizh : 80 % eus ar 15 500 skoliad breizhat a oa skoliataet e tiez familhoù a-ziwar ar maez pe e liseoù labour-douar prevez…
« Splann ! » he deus enklasket diwar-benn distruj reoliek an ospitalioù publik : koskor ha savadurioù, niver a weleoù hag arc'hantaouiñ. Un drailh programmet…
Gant « Splann ! » e vez graet ur bilañs resis ha digent eus an artifisielaat douaroù war aodoù Breizh. Gant hon enklask e vo diskoachet…
Sed aze an enklask nevez produet hag embannet gant Splann !, bet skrivet gant Ines Leraud ha Kristen Falc’hon. Pep tra ‘zo da lenn digoust war lec’hienn splann.org e brezhoneg koulz hag e galleg, ha war ar mediaoù al labour ganimp.
E kornog aodoù Bro-Leon, war gumun Landunvez, emañ ar savenn porc’hell e-touez ar re vrasañ e Bro Frañs a-bezh, « Avel Vor » hec’h anv. Bep bloaz ‘vez produet ganti 27.000 a bennoù-moc’h. 60 tonen dour hañvouez. Evit kreskiñ kement eo deuet a-benn perent an ti-feurm da gaat asantoù ar prefed. Ha souezhus eo bet divizoù ar prefed ‘ta : daoust d’ur bern alioù ha barnadennoù ‘zo aet enep ma vefe brasaet ar savenn-mañ, emañ-hi da vat war an hent da vout aotreet gant ar prefed.
Bet disoñjet traoù ‘zo gant ar c’homiser-enklasker, bet roet gantañ e soñjoù personel-kenañ… Da vat eo souezhus disoc’h an enklask foran bet skrivet gant an archer-kozh Jacques Soubigoù. Ha war ar seblant n’eo ket direnket gant se prefeti Penn-ar-Bed, ‘zo bet a-wechoù o pouezañ evit ma tremenfe an doser kousto pe gousto.
Setu an niver a-wechoù ‘zo bet klasket gant ar prefetioù lakaat da aotreet raktresoù gounez-vouedel, daoust dezhe bout maez ar reolennoù, peotramant daoust da alioù enep ‘bet roet gant melestradurioù all. N’eo ket hollek an niver-se, n’eo nemet ar pezh omp deuet a-benn da renabliñ e Breizh ha Bro-C’hall. Peadra ‘zo da lenn war hon c’hartenn. Pa vez aet e-bioù d’ar reolennoù gant ar Stad ‘zo peadra d’en em soñjal war al live demokratel bresk pa vez kaoz eus an endro. Ha peadra d’en em soñjal war ar riskloù ‘zo gant an endro.
« Gwelet ‘peus piv eo hini a c’houlenn an aotre ? A-fet politikel ha sokial n’eo ket forzh piv. »
Lennit hon enklask : « Moc’h fall »
Lennit hon enklask : « Moc’h fall »
Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Ne ratez aucune de nos enquêtes, recevez-les par courriel.