Un dokumant nevez ‘zo bet savet gant senedourien d’an 6 a viz Gouere 2022 a ziskouez pegen fall eo ar jeu gant surentez an amonitratoù e porzhioù Bro-C’hall. Gall a ra tarzhal an temz-mañ, implijet kalzig e labour-douar Bro-Frañs, ma ne vez ket renket en un doare mat a-walc’h. D’ar 4 a viz Eost 2020 ‘oa bet ur gwallzarvoud braz spontus abalamour d’an amonitratoù o tarzhal. Un dokumant oa bet embannet ur bloaz ‘zo dija evit lakaat war well an dañjer, met ‘neus ket cheñchet kalz an traoù abaoe.

E memes koulz, komzet ‘vez kalz gant ar senedourien eus ar porzhioù, met war ar seblant e vez disoñjet ganto an tiez feurm. Gall a ra tarzhal memes tra eno zoken! Dreist-holl pa vez tommoc’h-tommañ ha sec’hoc’h-sec’hañ an amzer…

E miz Genver 2022, Ministrerezh an treuzkemm ekologel ‘noa kinniget div destenn evit ma vefe kreñvoc’h ar reolennoù e keñver stokañ an temz-se e tiez-feurm braz. Met gant an FNSEA hag all eo bet stanket ar c’hinnigoù-se en ul lâr ‘vo kollet arc’hant ganto. Da lenn hiroc’h war Actu environnement.