Kinniget ‘vo evit ar wech gentañ d’ar Merc’her 14 a viz Gwengolo ur garta a-benn ma vefe kelaouet mat war sujedoù a denn eus enkadenn an hin gant ar c’hazetennoù. Splann ! ‘neus sinet anezhi e-touez 160 media all.

Komzet ‘vez muioc’h mui eus direizhamant an hin er mediaoù. Padal n’eo ket neptu an doare da lakaat ar gaoz war ar sujedoù-se : ur skog ‘zo war al lennerien. « Pouez o ‘deus ar gazetennerien en doare ma ‘vez komprenet gant an dud ar pezh ‘zo o c’hoarvez er bed e-keñver cheñchamant an hin », eme Loup Espargilière, penn redaktour eus Vert, le média.

Gant 30 media eo bet neuze skrivet ur garta : 13 poen eno a c’hallfe servijout ‘vel un nadoz-vor d’an holl kazetennerien, ha pas d’ar re isipisialiset war an endro hepken.

Peseurt skeudennoù ha gerioù implijout, nac’hañ arc’hant ‘zo a-benn bezañ dizalc’h, kaozeal eus an endro e pep tachenn er c’heleier… Gant Splann ! ‘vez graet war-dro seurt traoù ivez. Un nebeud ‘oa dija skrivet en hon statudoù memes, ‘vel klask e vefe an nebeutañ posupl a louc’h karbon gant hon c’hazetennerien.