Reuz ‘zo war aodoù Bro-Leon tro-dro d’an atant desevel moc’h Avel vor. Philippe Bizien, prezidant komite rannvroel ar moc’h, an hini eo perc’henn an ti-feurm. 450 den a-enep d’ar raktres brasaat an atant ‘zo bet o vanifestiñ e Landunvez d’ar Sadorn 27 a viz Eost, hervez ar prefeti.
Gant teir c’hevredigezh (AEPI, APPCL ha Dour ha sterioù Breizh) ‘zo bet lañset an afer. Finistère insoumis ha Nouvelle donne o ‘deus soutenet anezhe.
Biskoazh kement-all n’eo bet gwelet kement a cheu tro-dro d’un doser evel-se er vro, a ‘zo ur bern desaverezh eno. Ouzhpenn 200 den ‘oa bet dija e emvod meur AEPI d’an 10 a viz Eost. Gant tud eus ar vro eo bet moulet ha lakaet e boestoù-post pep annezad enklask Splann !, bet skrivet gant Inès Léraud ha Kristen Falc’hon.
Gant sindikad an FDSEA, Jeunes Agriculteurs hag an UGPVB eo bet aozet ivez ur vanifestadeg a-benn souten ar raktres. E-tre 300 ha 350 den ‘zo bet hervez ar prefeti. Nebeutoc’h eget ar pezh ‘oa bet lâret an deiz a-raok gant Ouest-France. Soutenet eo bet Philippe Bizien gant Guillaume Roué, desaver moc’h bet, prezidant Evel’Up hag Inaporc. Muioc’h a disaverezhioù loened ‘zo ezhomm er vro hervezañ a-benn mont war-zu marc’had e-tre vroadel.
Maer Landunvez (tu-dehoù) ‘neus resevet an holl manifestourien e fin an abardaez. Un emgav ha n’eus ket servijet da vann hervez Armelle Jaouenn, dilennad ar gumun eus an tu kleiz hag a-enep d’ar raktres. Evit poent n’eo ket bet roet e ali gant Kuzul departamant an endro (Coderst). Ma vez asantet ar raktres gantañ e ‘vo cheu ‘ba’l lez-varn, eme ar c’hevredigezhioù.
Lennit hon enklask : « Moc’h fall »
Lennit hon enklask : « Moc’h fall »
Harpit « Splann ! » evit lakaat da greskiñ ur media enklask dizalc’h el linenn e Breizh
« Splann ! » a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. Embannet e vezont war hon lec’hien splann.org digoust. Keleier fresk ‘vez kaset gant hon lizher-kelaouiñ. A pep tra a-drugarez eus ar pezh ‘vez roet ganeoc’h.
Neuze ar pezh ‘vez roet ganeoc’h ’vez tu tennañ eus an tailhoù eus 66 %.
Splann !, ur media hep NA/IA ennañ
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Titouroù ‘peus da lâret ganeomp ?
Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
- Article précédent: Bezhin glas : klañv eo an demokratelezh rak chom a ra mut ar pennoù bras
- Article suivant: Kudennoù gant ar film « Bezhin glas » eus Pierre Jolivet