181015 - Splann ! Somain - Unité de méthanisation de la ferme Sockeel Crédits Jérémy-Günther-Heinz Jähnick CC BY-SA 3.0
Lagad ur wikipedian : Dre zindan pajenn Wikipedia war ar metanaat ‘zo traoù kuzh

by | 23 11 2022

Splann ! a ginnig deoc’h ul lodenn nevez a-benn dizoleiñ ar pezh ‘zo a-dreñv eus pajennoù Wikipedia ‘zo…

N’eo ket kozh pennad Wikipedia « Metanaat e Bro-Frañs » : krouet eo bet e 2018. Hag e miz Mae 2019, setu ouzhpennet er bajenn-mañ ul listennad embregerezhoù gall a ra gant ar Biogaz, gant un den anvet Klub Biogaz. Met petra, piv, eo Klub Biogaz ? Gantañ e ‘vez lâret e labour a-berzh Kevredigezh teknikel an energiezh hag an endro (ATEE), hag a zo liammet gant lobby Europa ar metanaat (European Biogas Association).
E miz Even, d’ar memes Klub Biogaz da ouzhpennañ ur vammenn hag a zispleg eo mat-re ar metanaat evit an ekonomiezh. Gant un den all eo bet skrivet « e koust nebeutoc’h a arc’hant an temz a zeu eus ar metanaat eget temzoù kimiek evit al labourerien-douar ». Hep menegiñ eo rik ar pezh a vez embannet gant Prefeti Auvergne-Rhône-Alpes.

Ur strategiezh kehentiñ frouezhus

N’eo nemet e miz Meurzh 2020 eo bet ouzhpennet war Wikipedia titouroù a ro ur sell all war ar metanaat, da skouer ar fet ma vefe implijet douaroù da broduiñ energiezh e plas magañ an dud.
E miz Even 2021 eo bet graet bruderezh tro d’al label Qualimétha gant Klub Biogaz. Ul label a ‘zo lakaet war wel gant… Klub Biogaz an ATEE.
En holl, 55 % eus pennad diwar-benn ar metanaat e Wikipédia ‘zo bet skrivet gant un den en-e-unan, hag a ‘neus interestoù e business ar metanaat. N’eo ket difennet en ober met n’eo ket kuzuliet tamm ebet gant kumuniezh Wikipedia ! Gant an den-se (« Klub Biogaz ») ‘zo bet graet ouzhpenn 57 % eus ar cheñchamantoù war ar pennad. Kavet ‘vez darn vrasañ eus e vammennoù e lec’hiennoù strollad Cogiterra, hag a labour gant sindikadoù penn-renerien ha lobbioù an tredan. Met ivez gant kazetennoù Les Echos ha… Paysan-breton.fr. Ul labour kehentiñ brav a-walc’h : pennad Wikipedia ‘vez lennet dre vras 10 gwech bemdez abaoe 2019.

Lakit hoc’h anv a-benn degemer hon lizher-kelaouiñ

Koumanantit d'hon c'heleier

Resevit bep miz danvezioù nevez flamm dre vail ha bezit kelaouet eus hon enklaskoù nevez, e brezhoneg. Digoust eo ! (e galleg amañ)

E brezhoneg ? Ou en français ?

Vous pouvez visiter notre site en breton ou fermer cette fenêtre pour continuer votre navigation.

Soutiendrez-vous notre journalisme d'enquête ?

En tant que journalistes, nous avons fondé Splann ! pour mener des enquêtes au long cours sur des sujets sensibles qui touchent à la Bretagne. Vous pouvez lire ici nos motivations.

Notre mission exige de rester indépendants de toute puissance politique et d'argent. Les contributions de nos lectrices et lecteurs sont donc essentielles pour financer un travail gourmand en ressources et garder nos articles accessibles à tous. Si vous le pouvez, envisagez de nous faire un don ponctuel, mensuel ou annuel. Il ouvre droit à une réduction d'impôt. Merci.