[et_pb_text content_tablet=”

” content_phone=”

” content_last_edited=”on|desktop” admin_label=”Titre enquête général Bzhg” _builder_version=”4.16″ _module_preset=”default” header_font=”Oswald|||on|||||” header_text_align=”center” header_text_color=”#FFFFFF” header_font_size=”52px” header_letter_spacing=”1px” header_line_height=”1.5em” background_color=”#1b1b1b” use_background_color_gradient=”on” background_color_gradient_stops=”#1b1b1b 0%|#d6d6d6 100%” background_color_gradient_start=”#1b1b1b” background_color_gradient_end=”#d6d6d6″ background_image=”https://splann.org/wp-content/uploads/2022/09/220908-Splann-Enquete-methanisation-petit-tracteur-champ-jaune-Credits-Jean-Leveugle-original-min-min.png” parallax=”on” parallax_method=”off” width=”100%” max_width=”100%” module_alignment=”left” min_height=”400px” min_height_tablet=”350px” min_height_phone=”280px” min_height_last_edited=”on|phone” height=”400px” height_tablet=”350px” height_phone=”280px” height_last_edited=”on|phone” max_height=”400px” max_height_tablet=”350px” max_height_phone=”280px” max_height_last_edited=”on|phone” custom_margin=”|0px||0px|false|false” custom_padding=”0px|50px|0px|50px|false|false” header_font_size_tablet=”46px” header_font_size_phone=”32px” header_font_size_last_edited=”on|phone” header_line_height_tablet=”1.5em” header_line_height_phone=”1.5em” header_line_height_last_edited=”on|desktop” background_last_edited=”on|phone” parallax_tablet=”off” header_text_shadow_style=”preset1″ header_text_shadow_color=”#1B1B1B” global_colors_info=”{}”]

Muioc’h-muiañ a vetanerezioù ‘zo e Breizh. Erru ‘zo 186 e maezioù ar vro bremañ, ha kant ouzhpenn a vo a-benn ur bloaz. Treuzfurmet ‘vez gante an danvez organek e gaz, hag evit-se emaint e-kreiz strategiezh c’hall war kreskiñ ar produiñ energiezh padus. Ar pezh ‘zo, gwallzarvoudoù a c’hoarvez alies, ar pezh a ziskouez ‘zo riskloù evit an endro gant an deknologiezh-se. Ha ne vez ket gouiet pep tra da geñver an dalc’hoù yec’hedel. Met harpet e vez ar metanaat gant an tiez-bank hag ar gouarnamant, ha setu da labourerien-douar ‘zo da sevel metanerezioù… En desped da reolennoù ’zo. Mont e-bioù d’al lezenn n’eo ket diaes dre ma zo un diouer braz a gontroloù. Met ur riskl ‘zo gant al labourerien-douar da vout gwasket gant embregerezhioù bras an energiezh, pere ‘zo ul lobby kreñvoc’h eget hini an agro-boued.

Metanerezioù e-leizh e Breizh

Bro Breizh eo al lec’h, e Frañs, lec’h ma vez produer ar muiañ a loened. Setu perak eo beuzet ar vro gant distaolajoù loened, ha fell da labourerien-douar ha da embregerezhioù bras an energiezh treuzfurmiñ en gaz ha goproù. Gant an desaverien e vez diorroet ar metanaat er vro, padal, e broio-all eo kentoc’h gant produerien edaj. Breizh, ha pa ne vez ket jedet aze ar pezh ‘zo el Liger-Atlantel zoken, zo an eil bro a fed niver a vetanerezioù (199 e penn-kentañ 2022), war-lerc’h ar Rannvro Grand-Est (274), ha dirak Rannvro Hauts-de-France (134) ha Normandi (120). Ur vetanerez diwar seizh e Frañs ‘zo e Breizh.
Ur bern ‘zo, met bihanoc’h int eget ar geidenn vroadel : a-fed volum emañ Breizh er 7vet plas. Betek-hen e veze metanaet kentoc’h en tiez-feurm. Met o cheñch emañ ar jeu, gant raktresoù brasoc’h, evel ma tisplegomp e lodenn ekonomikel an enklask.
Il-ha-Gwilen, e lec’h m’emañ an eil brasañ tropellad saout en Frañs, ‘zo deuet da vout ur vro leun a vetanerezioù, hag ar gêrbenn a c’hallfe bezañ Ilfentig (4 500 annezad). Kalzig a zo en Bro-Leon ha Bro bPentevr (nepell Lambaol). Kement ha ma c’hallfe ar gartenn-mañ bezañ keñveriet gant kartenn stankted ar saout-laez.

Lakaat ar gartenn da vrasaat en ur skramm all

O kreskiñ emañ ar metanaat e Breizh, daoust d’ar goursez bet goulennet gant Dour ha Stêrioù Breizh ha daoust d’an digresk a skoazell arc’hant a vez roet gant Kuzul ar Rannvro. War ar gartenn e weler ar raktresoù o vout savet (tric’hornioù c’hlaz), hag a re o vout studiet (gwer). Kudennoù Geotexia (tric’hornioù orañjez) ha saotradur an Aon bet krouet gant Engie Bioz e Kastellin, e 2020, n’int ket bet trawalc’h da harzañ an holl oberourien.
Ar Stad C’hall a chom o skoazell ar c’hresk, gant ar c’hoant da lieskementiñ ar produiñ energiezh er vro. Met petra ‘vo ar brizh paeet gant an endro, ar yec’hed, ha produiñ boued hag al labourerien-douar ?

Diazezet eo ar gartenn war roadennoù publik, bet embannet gant AILE ha SINOE. Gallout a rafont bezañ tuet ha diglok. A-wechoù n’eo ket kempoell an div roadenn-se. Niver ha ment ar metanizerioù ‘zo is-jedet.

Metanaat kousto pe gousto

Embregerezhioù bras rouanezed ar maezioù

Koll-boued ar metanaat

Metanaat, yec’hed mat !

Boest du

E-pad an enklask omp bet o furchal en kantadoù a deuliadoù, hag o vont e darempred gant dekvedoù a dud. N’eus nemet un nebeud anezhe a zo bet meneget e lodennoù an enklask.
Bet omp bet o sevel goulennoù da servijoù ar Stad, ar prefeti, an DREAL, an DDPP, hag an Aotrouniezh Endroel, met hep dont-a-benn da gaat atersadennoù, daoust da c’halvadennoù liesseurt. N’omp ket deuet a-benn kennebeut da gaat un atersadenn gant Ministrerezh al Labour-Douar.

Gall a rit pellgargañ amañ ar goulennoù ‘zo bet kaset da Vinistrerezh al Labour-Douar.
Pellgargit amañ ar goulennoù kaset da servijoù ar Stad e Breizh.

N’eus ket bet tu dimp kaozeal eus kement-tra ‘zo tro-dro da afer ar metanaat, ken luziet eo, peogwir e ra ul liamm etre temoù disheñvel : labour-douar, energiezh, lastez. Divizet eo bet ganimp displegañ peseurt dalc’hoù ‘zo war al labour-douar, met hep gellout menegiñ pep tra. Setu perak n’omp ket bet o tiskoachañ kudennoù agronomek ar c’hoazadoù metanaat (les digestats), nag an dalc’hoù enerjetek.

Elfennoù lakaet a-gostez

Pellgargañ levrig an enklask (pdf)

[et_pb_text content_tablet=”

Ober un donezon

Gall a ran tennañ 66 % eus ma donezon eus an tailhoù.

” content_phone=”

Ober un donezon

Gall a ran tennañ 66 % eus ma donezon eus an tailhoù.

” content_last_edited=”on|phone” disabled_on=”off|off|off” admin_label=”Formulaire Donorbox” _builder_version=”4.19.4″ _module_preset=”default” locked=”off” global_colors_info=”{}”]

Ober un donezon

Gall a ran tennañ 66 % eus ma donezon eus an tailhoù.

[wd_hustle id=”4″ type=”embedded”/]