Peseurt efedoù o deus bet hon enklakoù ?

 29 den ‘zo a-stroll. Produiñ ha skignañ enklaskoù a-galite ha divyezhek eo al labour ‘vez kaset a-benn ganeomp.

Hon fal deomp eo ober enklaskoù kap da cheñch al lezennoù. Kemer a reomp war hor chouk roll ar c’hourzh galloud. Servij a ra hon enklaskoù d’ar geodedourien bezañ prest da lâr o soñj d’an dud kiriek ha prederiañ war an diskoulmoù d’ar c’hudennoù ‘zo bet lakaet war-wel. Tizhout an heklevioù brasañ posupl d’hol labour dizalc’h e klaskomp asambles hag a-drugarez d’ar mediaoù kevelerien.

« Breizh : C’hwezh an amoniak er maez » – Hon enklask war an amoniak ‘zo bet implijet dirak al lezioù-barn gant tud o tifenn an endro evel ma ‘z eo bet graet e afer kludegoù ramz Lanwelan (ar raktres zo bet harzhet evit poent). Pouezus-tre eo an enklask-mañ evit lakaat ar gaoz war saotradur an aer gant an amoniak.

« Demokratelezh an endro : moc’h fall » – Hon labour ‘neus lakaet war wel ne oa ket reizh bep taol aotre ar prefed evit tiez-feurmoù zo, evel hini Avel Vor e Penn-ar-Bed. Moulet eo bet hon enklask gant ur gevredigezh lec’hel ha skignet da voestoù lizhiri annezidi ar gumun. Da c’houde ez eus bet aozet ur vanifestadeg gant ar c’hevredigezhioù a oa a-enep ar fed ma vefe brasaet tiegezh moc’h Avel Vor gant ar prefeti. Ne oa ket bet lakaet kalz ar gaoz war an afer-se gant ar c’hazetennoù lec’hel a-raok met abaoe eo lakaet war-wel gant ar mediaoù rannvroel ha broadel (Mediapart, ur media keveler, an TF1 ha BFM TV). Reuz ‘zo ha labouret e vo ganeomp c’hoazh war ar sujed-mañ !

« Metan  : bec’h d’an atant » – Kemer a ra perzh enklaskerien Splann ! en emvodoù foran e-lec’h vez kalz a riblerien, labourerien-douar pe ajañsoù o reiñ o soñj…

« Essure : drouk mouget e korf ar merc’hed » – Skignet eo bet kalz an titouroù diskuliet ganeomp diwar-benn an « dokumant tasmant » a oa gant ajañs al louzoù (ANSM). Displegañ a ra an teul-mañ e anaveze an ANSM ar riskloù a oa gant an ensteudoù Essure, emplantoù lakaet d’ar merc’hed kuit dezho da gaout bugale. Aet eo war-raok an droukskouer yec’hedel hag implijet e vo hon enklask gant ur vaouez zacherezh evezh e-barzh he frosez.

Splann ! ‘zo ur gevredigezh lezenn 1901 bet krouet gant kazetennerien. A-drugarez d’ar pezh ‘vez roet ganeoc’h e c’hallomp kas a-benn enklaskoù dizalc’h, hep bruderezh, nag arc’hant embregerezhioù bras.

Tennañ ar pezh ‘vez roet eus an talioù. Ma ‘vez paeet talioù ganeoc’h e c’haller tennañ 66 % eus ar pezh ‘zo bet roet da Splann ! Da skouer, ma vez roet 100 € e ‘vo paeet 33 € hepken.