3.000 litrad produioù kimiek. Se an hini eo, hervez an dielloù bet gant Splann !, ar c’hementad pistriuzennoù skuilhet e-maez lezenn gant ar vengleuz andalouzit e Breizh e miz Gouere 2021.

Un dilennad eus kumun Groñvel a zo o paouez diskuilhañ an torr-lezenn-se da brokulor Sant-Brieg. Ar skandal-mañ a lak war-wel an doare ma vez kuzhet hec’h obererezhioù saotrusañ dre he c’hehenterezh gant strollad Imerys, tra m’he deus embannet ar Stad ur postadur 50 milion a eurioù da souten ar raktres mengleuz litiom gant an embregerezh liesbroad en Arvern (Auvergne).