E Corcouë zo ur metanizer bras divent war an hent da vezañ savet
Sylvain Ernault - 08/31/2023![201212 - Splann ! Pancarte contre le projet de méthaniseur Métha Herbauges Crédits Non au méthaniseurs Corcoué](https://splann.org/wp-content/uploads/2023/08/201212-Splann-Pancarte-contre-le-projet-de-methaniseur-Metha-Herbauges-Credits-Non-au-methaniseurs-Corcoue-e1693510816376-600x338.jpg)
Da heul ar sevel listri eo erruet embregerezhioù industriel e-leizh d’en em staliañ e Sant-Nazer. Seizh outo a brodui pe stok danvezioù dañjerus evit an…
Talvoudus-meurbet eo kleuzioù ha girzhier gwalarn Frañs e-tal reuz direizhder an hin ha diskar ar vev-liesseurted. Padal e kouezh ar c’houst merañ war zivskoaz al…
Pell mat eo Cooperl hiriv an deiz diouzh ar strolladig 25 saver moc’h en deus savet anezhi. Deuet eo da vezañ ur gompagnunezh etrevroadel.
C’hoant zo staliañ mil labourer-douar ar bloaz a-benn 2028 e Breizh. Hiziv n’eus nemet 500 a zeu a-benn d’en em staliañ e-keit ma weler tiez-feurm…
Komision an enklask foran en deus roet un ali mat evit ma vefe savet ur metanizer bras abominapl e Corcouë (Kerc’haoueg, 35), e Su al Liger-Atlantel. Kaset e vez ar raktres mañ gant ur strollad labourerien-douar hag an embregerezh dour-tan Shell. Ouzhpenn 16 devezh-arat a vo lonket evit sevel ar metanizer-mañ hag a c’hello bezañ maget gant 500.000 tonenn hañvouez bep bloaz, mesket gant plantennoù hadet evit produiñ energiezh. Morse n’eus ket bet gwelet ur raktres ken bras e Bro Frañs.
Bodet ez eus bet ur bern tud disheñvel a-enep d’ar raktres-se : kuzulerien departamant al Liger-Atlantel (PS) hag ar Vande (LR), 12 eus ar 15 kuzulier-kêr o deus votet, hini Corcouë en o zouez, ha daou senedour. Mont a ra a-enep ali an holl dud-se Kuzul rannvro Broioù al Liger en ur zifenn ar raktres. Tost da 1.300 den o deus kemer perzh en enklask foran, ha 70% eus an alioù a zo fall. «Goulennoù a sav ar raktres-mañ evit ur bern tud, memes evit tud ha n’emaint ket o chom er vro», eme an dud e-karg eus an enklask.
«N’eo ket aes an dibab», emezo. Met choazet eo bet tu ar gounez-boued industriel en ur reiñ un ali mat d’ar metanizer. En ur skrivañ memes tra ez eus nav zra da adwelet a-raok sevel an traoù. «Netra pouezus na vefe diaes da cheñch», eme Guillaume Loir eus Nature Energy France, ezel eus Shell, da Ouest-France.
Trankil eo ar re a glask lakaat ar metanaat da greskiñ. Gant ar gouarnamant e oa bet embannet meur a destenn d’an 13 a viz Mezheven a lavar o deus droed al labourerien-douar cheñch sifroù ar pezh int kap da broduiñ bep bloaz. Evit poent e oa posubl ober-se bep daou vloaz hepken. Riskloù zo e vefe implijet muioc’h a vaiz c’hoazh evit magañ ar metanezerioù. Paeet e vo keroc’h ivez an energiezh produet.
Resevit bep miz danvezioù nevez flamm dre vail ha bezit kelaouet eus hon enklaskoù nevez, e brezhoneg. Digoust eo !
En ur lakaat ma anv evit lizher-kelaouiñ Splann ! e asant din e vo implijet ar roadennoù personel am eus pourchaset (chomlec'h postel) da-ge