« Dizoloet hon eus e oa eus ur raktres brasaat un atant moc’h en ur lenn “Splann !” »
La Rédaction - 12/23/2024
Gant « Splann ! » e vez graet ur bilañs resis ha digent eus an artifisielaat douaroù war aodoù Breizh. Gant hon enklask e vo diskoachet…
Groñvel : 1 400 annezad. Imerys : ur sifr aferioù eus 3,8 miliard a euroioù. Bras-meurbet eo pouez ar mengleuziañ ramzel war gumun Groñvel e…
Da heul ar sevel listri eo erruet embregerezhioù industriel e-leizh d’en em staliañ e Sant-Nazer. Seizh outo a brodui pe stok danvezioù dañjerus evit an…
Talvoudus-meurbet eo kleuzioù ha girzhier gwalarn Frañs e-tal reuz direizhder an hin ha diskar ar vev-liesseurted. Padal e kouezh ar c’houst merañ war zivskoaz al…
Bep miz, el lizher-kelaouiñ a vez kaset gant Splann !, e c’haller lenn ul listennad eus an holl raktresoù evit aozañ ar vro a zo o vezañ savet. Setu penaos eo bet titouret, 90 annezad eus bro an Aberioù anezho, e norzh Penn-ar-Bed : « Atantoù XXL. Plougerne (29). C’hoant en deus un atant sevel moc’h mont war greskiñ evit kaout 1.046 loen. An enklask foran a zo digor betek an 21 a viz Du. »
Goude bezañ bet lennet an titouroù-se en hol lizher-kelaouiñ o deus kroget an dud da zasparzhañ anezho. Ha setu ur stourm o tiwanañ, hag un emgav boutin aozet, a gont deomp un annezad. Ar raktres a zo kaset da benn gant Evel up, ur gevelouri kig moc’h bras e Penn-ar-Bed a zo bet meneget dija gant Splann ! en e enklask diwar-benn Landunvez. Setu krouet ar strollad « Non à l’extension de la porcherie de Plouguerneau ». Un emgav e vo gant ar maer e miz Genver.
A-wechoù eo dav deomp bezañ primoc’h, ha neuze hon eus krouet ur stumm pennad bet añvet « war evezh ». Un doare da gas da benn enklaskoù berroc’h.
Ha bep miz e tegemerit hol lizher-kelaouiñ e-lec’h ma vez kavet keleier fresk diwar-benn Breizh, traoù zo bet c’hoarvezet adalek m’eo bet embannet hon enklaskoù, hag ul listennad eus an enklaskoù foran ha raktresoù industriel a zo er vro.
🎤 Splann ! a ginnig deoc’h selaou ouzh hon enklaskoù. Ha n’eo ket echu ! Abadennoù nevez a zo o vezañ prientet o kenlabourat gant meur a radioioù. O labourat emaomp er mare-mañ gant Radio Parleur evit sevel ur c’houlzad nevez eus ar podkast « Goliath – petra a vez kuzhet gant an embregerezhioù bras ? » evit lakaat ar gaoz diwar-benn hon enklaskoù. Gant Radio Boa ha Radio Breizh e vez graet ur gronikenn bep miz en div yezh hag emañ reportajoù nevez o tont… Selaouit ouzh hon fodkastoù war ho arload a-gustum.
🎥 Plijout a ra deoc’h selaou ouzh Splann ! ? Sur a-walc’h e plijfe deoc’h sellet ouzimp ivez. Setu perak e vez klasket gant hon skipailh kenlabourat gant mediaoù nevez a ra videoioù. Ma n’ho peus ket gwellet anezhi c’hoazh e c’haller sellet ouzh ar video graet gant Blast diwar-benn hon enklask « Sant-Nazer, klañv gant e industriezhoù ». Teulfilmoù all a zo da zont !
📖 Klasket hon eus e miz Du evit ar wech kentañ gwerzhañ hol levrigoù enklask war baper dre internet. Hag ez eus bet kalzig a dud o prenañ anezho. Neuze hon eus c’hoant kenderc’hel da voullañ hon enklaskoù ha lakaat anezho er muiañ a lec’hioù posubl : el levraouegoù Breizh hag er standoù dalc’het ganeomp pa pedit ac’hanomp.
🎪 Klask a reomp respont d’an holl pedadennoù da festivalioù ha taolennoù-grenn. Mont en darempred ganeoc’h a zo pouezus-kaer evidomp. C’hoant hon eus mont d’ar muiañ a zarvoudoù posubl evit eskemm ganeoc’h.
💃 Rak niverusoc’h-niverusañ e vezoc’h o souten ac’hanomp, ha rak festet e vo pemp bloaz Splann ! ar bloaz da zont e plijfe deomp aozañ ur fest-noz bras !