📬 Fell a ra deoc’h bezañ kelaouet war ar raktresoù zo war’r stern en ho pro ? Lakit hoc’h anv digoust da zegemer bep miz hon lizher-kelaouiñ en ho poestad-mail.
Atantoù XXL
Malgeneg (56). Goulenn a ra an EARL du Rocher labourat war un atant moc’h gant 2.106 loen. Digor an enklask foran eus ar 4 a viz Ebrel hag an 2 a viz Mae.
Bilio (56). Goulenn a ra ar SCEA des Acacias labourat war un atant moc’h gant 3.167 loen e Lestreha. Digor an enklask foran betek an 23 a viz Ebrel.
Lastez
Ghêltas (Gweltas) (56). Bez zo ur raktres adimplij ha deviñ lastez da grouiñ energiezh war an takad meret gant Suez. An enklask foran a vo etre an 31 a viz Meurzh hag ar 6 a viz Mae.
Kêriekaat
Plañvour (56). Raktreset e vez sevel ur savadur nevez evit degemer kirri-nij Falcon 2000 LXS « Albatros » war bon aervorel Lann-Bihoué. Neuze zo bet goulennet gant ministrerezh an Arme un aotre da dapout un nebeud spesadoù gwarezet hag ha da zistruj o lec’hioù gouennañ pe diskuizhañ. An enklask foran a zo digor betek an 30 a viz Ebrel.
Gwipavaz (29). Raktreset e vez sevel ur stad c’hoari melldroad nevez a vefe Arkea Park e anv. Douget e vez ar raktres gant an SAS Holdisport ha ret eo e toujfe ouzh steuñv lec’hel kêriekaat Brest Meurgêr. Digor eo an enklask foran eus an 28 a viz Meurzh betek an 28 a viz Ebrel.
Brest (29). Raktreset e vez sevel ur c’harter nevez tro dro da greizenn yec’hed René Fortin e Boc’harzh tal-kichen Brest. Ar pal eo bodañ er memes lec’h, war 47.600 m², tud kreizenn René Fortin Boc’harzh, tud ti ar re gozh Delcourt Ponchelet (Brest) ha tud kreizenn addiorren Gwiler. Gall a rit reiñ hoc’h ali betek an 18 a viz Ebrel.
Transportoù
Nouya (35). Raktreset e vez sevel ul lec’h eskemm nevez en ti-gar Nouya (Noal-ar-Gwilen). Gall a rit reiñ hoc’h ali betek an 11 a viz Ebrel.
Roazhon (35). Raktreset e vez adaozañ ar gêr evit ma c’hallfe bezañ digoret linenn Trambus Y4. Roit hoc’h ali betek ar 24 a vie Even.
Dour
Montaoban (35). Krouet e vo ur savlec’h-tretañ dourioù lous e Montaoban. Un enklask foran zo betek an 18 a viz Ebrel.
Energiezh
Lifrë (35). Goulenn a ra an embregerezh CPV SUN 40 gallout sevel un takad panelloù heol e« Lande de Beaugé » war 7 devezh arat. Digor eo an enklask foran betek ar 24 a viz Ebrel.
Sachit hon evezh !
Gouezet ho peus e kinnig ur raktres-terkañ ober an noaz d’an endro ? Skrivit deomp : contact+alerte [@] splann.org
Harpit « Splann ! » evit lakaat da greskiñ ur media enklask dizalc’h el linenn e Breizh
« Splann ! » a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. Embannet e vezont war hon lec’hien splann.org digoust. Keleier fresk ‘vez kaset gant hon lizher-kelaouiñ. A pep tra a-drugarez eus ar pezh ‘vez roet ganeoc’h.
Neuze ar pezh ‘vez roet ganeoc’h ’vez tu tennañ eus an tailhoù eus 66 %.
Splann !, ur media hep NA/IA ennañ
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Titouroù ‘peus da lâret ganeomp ?
Skrivet deomp : redaction [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
- Article précédent: « Ar ouennelouriezh a-fed endro-bevañ a chom diwel er stourmoù ekologel »
- Article suivant: Saotradur an dour da evañ : a-drugarez d’hon enklask eo bet kelaouet annezidi Rostrenn en ur mod ofisiel a-benn ar fin