Pont-Skorf (56). Etre ar 14 a viz Mae hag ar 17 a viz Even e vo an enklask foran diwar-benn ledanaat park-loened Pont-Skorf (Terres de Nataé). Lakaet e oa bet ar gaoz gant Splann ! war an afer-se en ur pennad miz zo.

Argol (29). Ur raktres evit cheñch steuñv lec’hel ar c’hêraozañ (PLU) a zo. Respont d’an ezhommoù font evit an tiez, an takadoù ekonomikel hag an aveadurioù en ur zigeriñ ar c’hêriekaat d’an takadoù 2AU, er-maez eus an takadoù labour-douar (A2020) ha naturel (N). Enklask foran betek an 20 a viz Even.

Kumuniezh-kumunioù Brest (29). Cheñchet e vo steuñv lec’hel kêraozañ etre kumunioù evit cheñch an takadoù hag an heñchañ war gempenn programmiñ kumunioù Brest, Gouenoù ha Gwipavaz. Enklask foran betek an 13 a viz Even.

Karaez (29). Ur sanailh stokañ, 2.5961 m2 a c’horre an dachenn, a vo krouet gant FP Carhaix e straed Tanguy Prigent. Betek an 10 a viz Even eo an enklask foran.

Skrigneg (29). Gant SCEA Lizicoat Bian e vez goulennet an aotre a-fet endro evit sevel un atalier dizon leue el lec’h  anvet Lizicoat Bian. Embannet ez eus bet gant MRAE un ali hag en em c’houlenn a ra « ar saotradur strewek » graet gant an implij a brodu evit louzaouiñ ar plant. Etre an 13 hag ar 17 e vo an enklask foran.

Pludunoù (22). Skrivet eo bet gant SARL Laurent Coupe ez eus ur sevel moc’h evit 1,890 pemoc’h kevatal ha nevesaet e vez merañ kaoc’h el lec’h anvet Le Pré Broutin e Val-d’Arguenon. Enklask foran etre an 2 hag an 30 a viz Even.

Mousterel-an-Il (35). Goulenn gant EARL an Domani kreskiñ e atalier leue-kig eus 399 plas da 800 war an atant staliet el lec’h anvet La Haute Chevrue. Enklask foran betek ar 27 a viz Even.

Arzhal (56). Fellout a ra da SCEA Dubois sevel 3 272 moc’h kevatal el lec’h anvet Bilaire. Enklask foran betek ar 26 a viz Even.

Tressigne (22). Goulenn kinniget gant EARL du Plan d’Eau evit ma vefe kresket gant ouzhpenn 450 moc’h kevatal el lec’h anvet Kerdaniel ha tizhout an niver a 2 475 loen. Enklask foran etre an 3 a viz Even hag an 1 a viz Gouere.

Brest (29). Raktres douget gant an embregerezh BresPort evit sevel un takad bihan leur dresañ bagoù e norzh ar 5ved lenn-borzh hag aveadurioù kevelet. Etre an 28 a viz Mae hag an 30 a viz Even e vez aozet ur c’hendiviz foran gant tud youlek da gemer perzh ennañ.

Traoñ-Kouenon (35). Goulennet e vez un aotre a-fet endro gant ar gevredigezh Diana Food hag a dreuzfurm legumaj ha frouezh evit ma vefe cheñchet koñdisionoù e uzin : sevel ur purlec’h biologel, cheñch ar steuñv skuilhañ ha ratreañ dastum dour-glav. Enklask foran etre an 3 a viz Even hag an 3 a viz Gouere.

Benion (56). E-keñver ur raktres sevel un uzin hag a ra prenestroù gant an embregerezh Fenétréa e vez goulennet an aotre a-fet endro evit disderc’hel diouzh loened gwarezet hag an aotre da zifraostañ. Enklask foran betek an 20 a viz Eost.

Bovel (35). Goulenn un aotre a-fet endro kinniget gant ar SAS Carrières Pigeon evit goulenn en-dro an aotre da diekaat, ledanaat ha kreskiñ produiñ ar mengleuz el lec’h navet La Harlais. Enklask foran betek an 30 a viz Even.