Peseurt raktresoù ‘zo tro-war-dro e Breizh e miz Genver 2026 ?

Splann ! - 01/31/2026

Kantadoù a enklaskoù foran a vez aozet bep ‘loaz e Breizh. Met re nebeut a dud a oar ez eus doc’houte. Gant Splann ! e vez renablet bep miz un darn eus ar raktresoù a-bouez a zo war an tiriad, da lak an dud da gemer perzh en tabut foran.

📬 Fell a ra deoc’h bezañ kelaouet war ar raktresoù zo war’r stern en ho pro ? Lakit hoc’h anv digoust da zegemer bep miz hon lizher-kelaouiñ en ho poestad-mail.

Kêriekaat

Ar Bonoù (56). Raktres terkañ an takad artizanel ha kenwerzhel gant 45 tachenn a c’hellfer sevel ti warno, 22 lojeiz sokial da vezañ feurmet e stumm ranndioù, ha 18 lodenn all da vezañ feurmet da dud a c’hellfe prenañ goude-se dre un amprest sokial. Mui ur raktres ti-annez gant servijoù, 85 lojeiz ennañ. Da lavaret eo, 170 lojeiz en holl. Enklask foran betek an 20 a viz C’hwevrer.
La Bazój-du-Dezèrt (35). Raktreset e vez gwerzhañ an hentigoù er c’hêriadennoù anvet La Petite Boizardière, La Batardière, La Ville Guérin, Le Petit Poirier ha La Courtais. Enklask foran etre an 2 hag an 9 a viz C’hwevrer
Loudia/Loudieg (22). Adstudiet e vo Steuñv lec’hel ar c’hêriekaat (PLU) e kumuniezh kumunioù Loudieg/Loudia evit pezh a sell ouzh al lojeiz. Enklask foran etre an 9 a viz C’hwevrer hag an 10 a viz Meurzh.

Dour

Fouenn (29). Raktreset e vez nevesaat daou lec’h puñsañ dour ha ne vezont ket implijet evit poent, e Roud Gwenn, evit kaout muioc’h a zour mat da evañ. Puret e vo an dour-se e uzin tretiñ Roud Gwenn. Enklask foran etre an 2 a viz C’hwevrer hag ar 4 a viz Meurzh.
Pyeurmè / Ploermael (56). Raktres adnaturaat diazad stêr ar Combs. Enklask foran betek ar 27 a viz C’hwevrer.

Mengleuzioù

Plouziri (29). Goulenn a ra an embregerezh Carrières Lagadec brasaat he savenn verniañ atredoù disaotr. Evit-se e vije troc’het ur c’hoad a 8 devezh arat hanter (4,3 ha), hag adplantet anezhañ diwezhatoc’h. Enklask foran etre an 2 a viz C’hwevrer hag an 3 a viz Meurzh
Kast (29). Goulenn a ra an embregerezh Nexstone hiraat an aotre korvoiñ ha ledanaat an dachenn kleuziet ganti evit dastum mein-krag arvorigat el lec’h anvet An Hinguer. Enklask foran betek an 13 a viz C’hwevrer.
Erbigna / Erbigneg (44). Goulenn a ra an embregerezh Charier Carrières et Matériaux e vije adnevesaet he aotre korvoiñ er mengleuz anvet Roga. Enklask foran betek ar 23 a viz C’hwevrer.

Industriezh

Val-Couenon (35). Gant an embregerezh Jean Brient e vez goulennet gellout ingalañ he live-produiñ charkuterezh industriel. Enklaskadenn foran etre an 9 a viz C’hwevrer hag an 11 a viz Meurzh.

Energiezh

Qedilla (35). Un aotre sevel a zo bet goulennet gant an embregerezh Gagneraud Energies Quédillac evit sevel ur greizenn fotovoltaek. Enklask foran etre an 9 aviz C’hwevrer hag an 12 a viz Meurzh.

Sachit hon evezh !

Gouezet ho peus e kinnig ur raktres-terkañ ober an noaz d’an endro ? Skrivit deomp : contact+alerte [@] splann.org

Doareoù all da zont e darempred ganeomp.

Titouroù ‘peus da lâret ganeomp ?

Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.

Splann !

Splann !, ur media hep NA/IA ennañ

Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel

#Enklaskoù foran