« N’eo ket posubl lâret hag-eñ e vefe tu da skarzhañ grip an evned eus Europa »
Splann ! - 03/28/2023![](https://splann.org/wp-content/uploads/2023/03/Image-par-Stefan-Schweihofer-de-Pixabay-600x400.jpg)
Da heul ar sevel listri eo erruet embregerezhioù industriel e-leizh d’en em staliañ e Sant-Nazer. Seizh outo a brodui pe stok danvezioù dañjerus evit an…
Talvoudus-meurbet eo kleuzioù ha girzhier gwalarn Frañs e-tal reuz direizhder an hin ha diskar ar vev-liesseurted. Padal e kouezh ar c’houst merañ war zivskoaz al…
Pell mat eo Cooperl hiriv an deiz diouzh ar strolladig 25 saver moc’h en deus savet anezhi. Deuet eo da vezañ ur gompagnunezh etrevroadel.
C’hoant zo staliañ mil labourer-douar ar bloaz a-benn 2028 e Breizh. Hiziv n’eus nemet 500 a zeu a-benn d’en em staliañ e-keit ma weler tiez-feurm…
Muioc’h muiañ a evned ‘zo tizhet gant ar grip e norzh Aodoù-an-Arvor (22). Lazhet eo bet dija miliadoù a yer hag a houidi dija. Aon o deus pennoù bras ar yec’hed e vefe tizhet an dud gant ar virus.
Aet eo war greskiñ spontus an niver a evned tapet gant ar grip e miz Genver ha miz C’hwevrer. Chom a ra e Aodoù-an-Arvor ur strollad kumunioù e-tre Gwengamp ha Kintin ‘zo rediet da heuliañ reolennoù strizh abalamour da influenza an evned. Ar c’humunioù-se eo just a-walc’h an dachenn e-lec’h ma vez ar muiañ a zisaverezhioù yer e Bro-Frañs. « N’eo ket peogwir eo atantoù bras int tapet gant ar grip, eme Gilles Salvat, penn-rener yec’hed an dud hag al loened en Anses (Ajañs ar yec’hed e-karg eus ar boued, an endro hag al labour). Met aes eo d’ar virus kreskiñ rak ez eus kalz a loened ha tiez-feurm. Ha liammoù ‘zo e-tre an atantoù, neuze peadra ‘zo da greskiñ ar riskloù c’hoazh. »
Lazhet eo bet 1,4 milion a yer e-tre an 30 a viz Genver hag an 9 a viz Meurzh en departamant, ha n’eo ket a-walc’h. « Merzhet hon eus e-pad an hañv ez eus eus ar virus o vezañ digaset gant al laboused gouez, eme Gilles Salvat. Gall a reont digas ar virus e-barzh un desaverezh ha tizhout ur bern laboused eus un taol. »
O vezañ prouet emañ er mare-mañ ur vaksin e labourva broadel Ploufragan. Spi ‘zo e vefe eus un diskoulm a-drugarez d’al louzoù-se. Kinniget ‘vo ur plañs vaksinañ d’ar ministrerezh a-benn fin ar miz pe penn kentañ miz Ebrel. Ha d’ar ministrerezh da urzhiañ ar vaksinoù, hervez ar pezh a gousto. « Koust a ra ker ar vaksinañ, hag ober war-dro al loened klañv ivez. Ret e vo ober prouadoù alies tre ‘barzh an tiez-feurm », eme c’hoazh Gilles Salvat. Kregiñ da vaksinañ al loened en diskar-amzer a vefe pal ar gouarnamant, a-raok ma krogfe ar prantad gant muioc’h a riskloù. « Ne’z aio ket diwar-wel ar virus gant ar vaksin, met nebeutoc’h-nebeutañ a loened klañv ‘vo. Diaes eo gouzout en a-raok, memes d’an dud ‘zo barrek war an dañvez. N’eo ket posubl lâr ma vefe tu skarzhañ grip an evned eus Europa. »
E keñver ur vaksin da reiñ d’an dud a labour tro-dro d’ al laboused, n’ eus pennadurezh ebet a c’hall lâr deomp hag-eñ eo efedus.
Padal eo bet goulennet digant Pennadurezh-meur ar yec’hed e vefe vaksined an dud. Rak gall a rafe cheñch buan ar virus ha dont da vezañ dañjerus evit an dud.
Setu an niver a yer lazhet e-pad ur miz e Norzh Aodoù-an-Arvor abalamour da c’hrip an evned.
«Ur chadenn zo etre an evned gouez hag ar re zesavet. Ret eo terriñ anezhi en ur bareañ al laboused klañv e ti an dud.»
Resevit bep miz danvezioù nevez flamm dre vail ha bezit kelaouet eus hon enklaskoù nevez, e brezhoneg. Digoust eo !
En ur lakaat ma anv evit lizher-kelaouiñ Splann ! e asant din e vo implijet ar roadennoù personel am eus pourchaset (chomlec'h postel) da-ge