Ur sell war-gil : penaos eo bet dispignet an arc’hant roet ganeoc’h ?

Ar skipailh embann - 12/07/2023

201213 Splann ! Tirelire Cochons Crédits Andre Taissin Licence Unsplash

Setu ur sell war-gil dre un nebeut posteloù evit displegañ deoc’h perak hon eus c’hoant kenderc’hel gant hol labour, ha ganeoc’h ! Hiziv e vo graet un tamm matematikoù evit displegañ deoc’h penaos e vez implijet an arc’hant a roit deomp ha pegement e koust ober un enklask.

Da betra a servij an arc'hant ho peus roet da « Splann ! » ?

Servijout a ra evit kas da benn enklaskoù hir !

Met pas evit-se hepken. A-drugarez d’ar pezh ho peus roet deomp e 2022 eo bet posubl krouiñ daou bost labour evit kazetennerezed a zo e-karg da genurzhiañ buhez ar media.

Gant an arc’hant a zo bet dastumet hon eus dibabet ivez krouiñ tri fost labour nevez hanter amzer :

Un den a ra war-dro ar melestradur ;
Un den a ra war-dro ar rouedadoù sokial ;
Un den a glask degas muioc’h a arc’hant.

A-drugarez d'ho harp e c'hellomp kreskiñ !

An holl arc’hant a zo bet roet gant an dud e 2021, 2022 ha 2023 a zo bet implijet evit arc’hantaouiñ hon enklaskoù- kazetenniñ. Un nebeud zo bet lakaet a-gostez kenkaz e vefe fredoù justis.

Tout ar pezh a denn eus mont en-dro ar gevredigezh (burev, kontoù…) hag eus an diorren (sikour da broduiñ levrigoù paper ha videoioù, d’an embann…) a zo bet arc’hantaouet gant fontoù sikour d’ar mediaoù dizalc’h.

Gall a reoc’h gwelet ivez eo bet degemeret ganeomp kalzig a arc’hant a zeu eus yalc’hadoù e 2024.

Perak ? Rak hon eus ranket klask arc’hant ouzhpenn evit kenderc’hel da sevel ur media padus. Ar yalc’hadoù bet goulennet ganeomp a zo bet dibabet gant un doare piz-tre evit bezañ sur n’ez a ket a-enep d’hon c’harta embann. Chom dizalc’h eo ar pep pouezusañ evidomp !

Lenn hon danevell obererezh
Lenn hon danevell obererezh

Evit arc’hantaouiñ d’an nebeutañ pevar enklask bep bloaz e rakomp dastum 128.000 €, da lâret eo tro-dro da 11.000 € bep miz.

Klask a reomp dastum 30.000 € a-raok fin ar bloaz evit arc’hantaouiñ d’an nebeutañ enklask kentañ 2024.

Perak eo gwelloc'h reiñ un tamm bep miz ?

Aesoc’h eo deomp evit gouzout an arc’hant a vo evit ar bloaz ;
N’hon eus ket ezhomm goulenn arc’hant meur a wech (ha kaset e vez nebeutoc’h a bosteloù, an holl a zo laouen !) ;
Evel ma vefec’h koumanantet d’ur gazetenn eo ;
Nebeutoc’h a arc’hant da reiñ eus un taol (ha marteze e c’hallit reiñ muioc’h ? ;
N’eus ket difoc’h ebet evit ho kuitañ kemedel (ma vez paeet tailhoù ganeoc’h e c’hallit tennañ diouto 66 % eus ar pezh ‘zo bet roet da Splann !.

Titouroù ‘peus da lâret ganeomp ?

Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.

Ar skipailh embann

Splann !, ur media hep NA/IA ennañ

Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel