Kudennoù gant ar film « Bezhin glas » eus Pierre Jolivet

Splann ! - 09/01/2022

220825 - Splann ! Film Les Algues vertes Celine Sallette Andre Ollivro et Ines Leraud Credits Yann Le Meur 02-min

Sañset n’eo ket diaes kaout an aotre da filmañ war lec’hioù publik e Bro Frañs. Ne oa ket evit krediñ skipailh o sevel an teulfilm « Ar Bezhin glas » e vefe ken diaes ar jeu e Aodoù-an-Arvor (22)…

Reuz bras zo bet e tiez-ker war aod Bro-Dreger e miz Eost. Setu amañ kontet gant an Télégramme. Ne blij ket da vaer Lokmikael-an-traezh e vefe ken tost  film Pierre Jolivet eus bandenn treset Inès Léraud (padal eo bet lâret gantañ n’eus ket bet lennet anezhi). E 1989  »oa bet marvet un den d’un doare droch war e gumun, ha douetañs ‘oa ma vije bet ‘blam d’ar bezhin glas.

Displijet eo ivez gant ar film-se Joël Le Jeune, prezidant LREM Kumuniezh Lannuon-Treger. Lâr a ra eo un doare da « dagañ » ar vro. Ha goulennet ‘deus digant skipailh ar film mont war-zu Lokireg pe Saint-Vrieg, ‘maez ar gumuniezh. Gant ar maeron eo bet goulennet digant prefed stankañ ar filmañ, met n’eo ket bet asantet.

Nac’het eo bet ivez filmañ e usin Lantik gant sindikad lastez Bro Sant-Vrieg. Aet oa d’an anaon Thierry Morfoisse eno, paotr a vleine kirri-samm leun a vezhin glas. ‘Ba ul lizher hon eus bet tro da lenn, e ‘vez roet gant maer PCF Ploufragan ha prezidant Kerval, Rémy Moulin, un abeg politikel : « Ar c’hiz da dagañ al labourerien-douar gant reizhveizadourien [komañtourien] gall ».

37

Setu an niver a filmoù sinema bet filmet e Breizh (pemp departamant) e 2021. Da lâret eo 548 devezh filmañ. (Sifroù : Bretagne sinema)

« Sindikad al lastez ‘zo un dra bublik. Kompren a rit hon defe c’hoant chom neptu en afer-se, dreist-holl peogwir e vez produet temz organek ganeomp hag e vez eskemmet gant al labourerien-douar bemdez. »

— Dominique Rémy, kuzulier kentañ e lez-varn velestradurel Roazhon ,

#bezhin glas #desaverezh industriel

Koumanantit d'hon c'heleier

N'hon eus ket gallet kadarnaat hoc'h enskrivadur.
Mersi bras ! Ret e vo deoc’h kadarnaat hoc’h enskrivadur dre glikañ war ar postel emaoc’h o vont da resev.

Resevit bep miz danvezioù nevez flamm dre vail ha bezit kelaouet eus hon enklaskoù nevez, e brezhoneg. Digoust eo !

{"prefetch":[{"source":"document","where":{"and":[{"href_matches":"\/*"},{"not":{"href_matches":["\/wp-*.php","\/wp-admin\/*","\/wp-content\/uploads\/*","\/wp-content\/*","\/wp-content\/plugins\/*","\/wp-content\/themes\/splann_v2\/*","\/*\\?(.+)"]}},{"not":{"selector_matches":"a[rel~=\"nofollow\"]"}},{"not":{"selector_matches":".no-prefetch, .no-prefetch a"}}]},"eagerness":"conservative"}]}