Amoniak forzh pegement b’an aer

Kresket eo bet an amoniak ‘barzh aer Bro-Frañs eus 24 % e kerzh an 11 bloavezh tremenet, hervez skiantourien Laboratoire atmosphères, milieux, observations spatiales (Latmos) ha Skol-Veur dizalc’h eus Brusel. Embannet eo bet ganto ar bloaz paset disoc’hoù a ziskouez emaint o pellaat broioù Europa eus palioù digreskiñ an amoniak ‘b’an aer.

Traoù a-dreuz o ‘deus kavet ar skiantourien gant ar sifroù. Ret e vefe hervezo kemer e kont liv an amzer. Seul vuioc’h a dommder, seul vuioc’h a amoniak. Ha tomm eo an amzer ‘pad ma vez skuilhet dour-hañvouez e-pad an nevezamzer.

Titouroù diwezhañ : muzuliet ‘vo an aer ar miz o tont e Breizh a-benn testiñ benvegoù diheñvel ha doareoù d’ober evit ma vefe gwelloc’h sifroù an dilaoskañ.