N’eo ket efedus a-walc’h ar pezh a vez graet gant ar Stad evit ma vefe digresket ar c’hementad bezhin glas, hervez lez-varn Roazhon.
Desachet eo bet kalz a dud gant ar film «Ar bezhin glas» e Breizh. Er memes koulz eo bet embannet un diviz pouezus gant lez-varn velestradurel Roazhon d’an 18 a viz Gouere : lâret eo bet ne vez ket graet trawalc’h a draoù gant ar Stad evit ma ne vefe ket lanvioù glas ken.
Douget e oa bet klemm gant Dour-ha-stêrioù Breizh, hag en doa douetañs e vefe efedus ar muzulioù lakaet e plas goude prosez miz Du 2021. Sañset e oa ar Stad kreñvaat ar muzulioù rannvroel a-enep d’ar bezhin glas.
N’eo ket trawalc’h ar muzulioù-se neuze hervez al lez-varn velestradurel, pa vefe e-keñver ar sifroù, pe e-keñver efedusted ar c’hontrolioù. Rediet e vo ar stad da lakaat traoù nevez e plas er mizioù da zont evit ma vefe doujet ouzh ar c’hementad azot en dour, hervez ar pezh zo bet lâret gant ar skiantourien.
Kondamnet ar Stad
Aet eo ar maout ivez dirak al lez-varn gant kevredigezh Sauvegarde du Trégor-Penthière-Goëlo. Goulennet e oa bet gant ar prezidant, Yves-Marie Le Lay, e vefe roet arc’hant evit dic’haouiñ tout an natur zo bet distrujet e Bae Sant-Brieg. Kondamnet eo ar Stad da «lakaat e plas muzulioù evit ma vo dic’haouet an natur hag ar vevliesseurted».
Evit hen ober eo dav da brefed Aodoù-an-Arvor rediañ al labourerien-douar a zo war dachenn mirva naturel Bae Sant-Brieg da zigreskiñ o dilaoskadennoù azot. Ha neuze e vo dav d’ar prefeti kontroliñ anezho alies. Da heuliañ.
Sellit ouzh an dielloù justis amañ :
Lennit hon enklask « Moc’h fall »
Lennit hon enklask « Moc’h fall »
Harpit « Splann ! » evit lakaat da greskiñ ur media enklask dizalc’h el linenn e Breizh
« Splann ! » a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. Embannet e vezont war hon lec’hien splann.org digoust. Keleier fresk ‘vez kaset gant hon lizher-kelaouiñ. A pep tra a-drugarez eus ar pezh ‘vez roet ganeoc’h.
Neuze ar pezh ‘vez roet ganeoc’h ’vez tu tennañ eus an tailhoù eus 66 %.
Splann !, ur media hep NA/IA ennañ
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Titouroù ‘peus da lâret ganeomp ?
Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
- Article précédent: An notenn o tiskuliañ penaos e vez taget kelaouennerien Vreizh gant an agrobusiness
- Article suivant: An enklask dre video : Plouvorn hag he 80 000 pemoc’h