Peseurt raktresoù zo war ar stern tro dro deoc’h e miz Here

Yann-Malo Kerbrat - 31/10/2023

Splann ! a ginnig deoc’h bezañ titouret diwar-benn an holl raktresoù agrobouedel hag industriel tro-dro deoc’h ha kelaouiñ hoc’h amezeien.

Panneloù heol war lec'hioù naturel

Bain (Baen-Veur) (35). Valeco a faota dezhi staliañ panelloù-heol war 6,5 devezh-arat (3,25 ha) a goadeier. Koulskoude, al lec’h, ur vein-gleuz dilaosket, zo bremañ « e-touez an hentadoù ekologel pennañ e Breizh dor al Liger Kumuniezh », hervez Aotrouniezh an endro (MRAE). An teuliad zo da len n amañ.
Bro ar Briver, Trigna (Trinieg) (44). Ur raktres staliañ panelloù-heol ‘zo en Trigna war 3,7 ha. Ul lodenn eus al lec’h ‘zo a-bouez evit al laboused. Setu ali an MRAE.
Felger (Foûjere) (35). 8 devezh-arat (4ha) a fraost a vo implijet da staliañ 7.000 panell-heol, e-kichen Felger. Setu an teuliad ha peurrest an titouroù. Padout a raio an enklask foran betek an 24 a viz Du.

Mor-Bihan (56). Raktresoù sevel milinoù-avel nevez ‘zo er vro : daou en Nouya (Noal-Muzilheg, enklask foran betek an 30 a viz Du), pevar e Silieg (Enklask foran betek an 23 a viz Du) ha tri en Kerbescontes, Langonned (enklask foran betek ar 16 a viz Du).

Brasaet ‘vo mengleuz Imerys ‘ba Groñvel (22). Kizidig-tre eo ar raktres, peogwir e c’hell saotrañ an dour e penn an diazad doureier (bassin versant), ober trouz a zirenko an amezeien hag al loened, lakaat diwar-wel ur waz… Ali an MRAE ‘zo da lenn amañ, hag an teuliad a-bezh, gant respontoù Imerys ivez. Un enklask foran a bado betek an 1 a viz Kerzu.

Retiers (Rester) (35). Savet ‘vo ul labouradeg braz da zeviñ lastez en Retiers, gant Séché Environnement, a-benn produiñ tommder a vo implijet gant uzinoù la Société Laitière de Retiers (perc’hennet gant Lactalis). Muioc’h a ditouroù war lec’hienn internet ar raktres. Krog a raio an enklask foran d’an 2 a viz Du.
Lokmaria-Plouzane (29). Fell a ra da SAS Lanvenec Energie kreskiñ ar c’hementad a lastez a bourvezo e vetanizer. An enklask foran a vo betek an 30 a viz Here. Diflipet e vo ar restachoù koc’haj en Brest, Plouzane, Plonger, ha Lokmaria-Plouzane.

Yann-Malo Kerbrat