Peseurt raktresoù ‘zo tro-war-dro e Breizh e miz Kerzu 2024 ?

Enan (22). C’hoant he deus an SCEA du Plessix brasaat e atant desevel moc’h eus 3.137 loen da 3.744 loen. An enklask foran a zo digor etre an 2 hag an 30 a viz Genver.

Bouajergaod (35). C’hoant he deus an SAS La Friche Margot lakaat div wech muioc’h a broduioù en e vetanizer bet savet e Le Bignon. Gall a rit reiñ hoc’h ali eus an 30 a viz Kerzu betek an 30 a viz Genver.

Gregam (56). C’hoant he deus an EARL Amoros kaout muioc’h a loened hag ur steuñv skuilhadur nevez evit e atant desevel yer el lec’h Bréguelo. Plas a vo evit 36.000 loen. An enklask foran a zo digor betek ar 17 a viz Genver.

Amanli (35). Ur raktres a zo gant an embregerezh Transports Bertin evit implijout savenn lec’haveiñ Amanli. Ar savadur a vo 9 667 m². Posubl eo deoc’h reiñ hoc’h ali eus an 20 a viz Kerzu betek an 20 a viz Genver 2025.
Roazhon (35). Ur raktres a zo gant Roazhon Meurgêr evit kaout muioc’h a zouaroù el lec’h Loges-Logettes, war gumun Chantepie, evit e steuñv aozañ ar vro « Porte du Bois de Soeuvres ». An enklask foran a zo digor betek an 20 a viz Kerzu.

Plounevez-Moedeg (22). Raktreset eo gant embregerezh Yawa staliañ un unvez pourchas rodoù-avel evit al lec’h da gargañ buan-tre ar c’hirri-tan tredan. An enklask foran a zo digor e-tre ar 16 a viz Kerzu hag an 18 a viz Genver.