Peseurt raktresoù zo war ar stern tro dro deoc’h e miz Genver 2024

Yann-Malo Kerbrat - 01/30/2024

250101 Total Dépôt Pétrolier Vern Sur Seiche Crédit Google Maps (1920x1080)

Kantadoù a enklaskoù foran a vez aozet bep ‘loaz e Breizh. Met re nebeut a dud a oar ez eus doc’houte. Gant Splann ! e vez renablet bep miz un darn eus ar raktresoù a-bouez a zo war an tiriad, da lak an dud da gemer perzh en tabut foran.

📬 Fell a ra deoc’h bezañ kelaouet war ar raktresoù zo war’r stern en ho pro ? Lakit hoc’h anv digoust da zegemer bep miz hon lizher-kelaouiñ en ho poestad-mail.

Betoñs

Lesneven – Bro Bagan (29). Lakaet e vo betoñs war dost da 280 devezh-arat (140 ha). 90 devezh-arat (95ha) gouestlet da diez nevez en o-zouez, ar pezh re galz hervez Aotrouniezh an Endro (Mrae). Savet e vo PLU-iH tolpad kêrioù Lesneven- Aodoù ar mojennoù. A-bouez-penn eo an doser- mañ, peogwir e lako sklaer peseurt dazont vo gant tachenn-mañ-dachenn, da skwer ma vo savet tiez pe stalioù warne pe ma chomint meret gant labourerien-douar. Gall a ra ivez lakaat da warezet tammoù eus ar glad lec’hel, kirzhier, kleuzioù, gwez kozh… Betek ar 1añ a viz C’hwevrer e pado an enklask foran.

Energiezh

Vèr (35). Total Energies a fell dezhi staliañ panelloù-heol war un dachen fraost. An enklask foran a bado betek an 9 a viz C’hwevrer.
Liffrë (Liverieg, 35). Brasaet e vo metanizer SAS Galesnais Énergie, tri bloaz goude bezañ bet lañset. An enklask foran a bado betek an 23 a viz C’hwevrer.
Roazhon Meurgêr, Bru (35). Savet e vo ul lec’h da buraat an dour hag ur metanizer kostez Bruz. Pad a raio an enklask foran betek ar 26 a viz C’hwevrer.

Hentoù-treuz

Lakaet e vo da brevez hentoù perc’hennet gant ar c’humunioù e lec’hioù disheñvel : e Crughë (56), e Mohon (56), e Kerrien (29), e Le Mené (Ar Menez, 22), en Blaen (Bllain, 44).

Sachit hon evezh !

Gouezet ho peus e kinnig ur raktres-terkañ ober an noaz d’an endro ? Skrivit deomp : contact+alerte [@] splann.org

Doareoù all da zont e darempred ganeomp.

Yann-Malo Kerbrat