Peseurt raktresoù zo war ar stern tro dro deoc’h e miz C’hwevrer 2024

Yann-Malo Kerbrat - 03/31/2024

250101 Sainte Pazanne ZAC Ecaries Pognères Crédit Google Maps Airbus (1920x1080)

Splann ! a ginnig deoc’h bezañ titouret diwar-benn an holl raktresoù agrobouedel hag industriel tro-dro deoc’h ha kelaouiñ hoc’h amezeien.

Raktresoù Energiezh

Bro an Hirwazh Kumuniezh (29). Renablet eo bet gant an tolpad kêrioù an holl dachennoù e lec’h ma c’hellfe bezañ savet kreizennoù da broduiñ energiezh « c’hlas » : tourioù-avel, metanizerioù, panelloù-heol. Met n’eus ket divizet c’hoazh hag-eñ e vezo savet raktresoù da vat war al lec’hioù bet renablet. Adkavit aze an tachennoù war un darn eus ar c’humunioù : Lañriware, Lokmaria-Plouzane, Milizag-Gwiproñvel, Molenez, Plouarzhel, Plonger, Plourin, Porspoder, Lokournan (pajenn 64), Trebabu.
Le Verjer, Monterfi (35). Breti Sun ISDND a faota dezhi staliañ ur greizenn panelloù-heol war gumun Le Verger. An enklask foran a bado betek ar 25 a viz Meurzh. Adkavit aze ali Aotrouniezh an Endro.

Betoñs VS pradoù

Bro Retz, St-Pazane (44). 400 ti nevez a vo savet er gumun, stag ouzh tachennoù gleb. Pradoù ha girzhier a vo distrujet. Hervez Aotrouniezh an Endro (MRAE) e c’hallfe ar raktres mont a-enep d’al lezenn da geñver an Endro. Ment an takad : 48 devezh-arat (24 ha) Padout a raio an enklask foran betek ar 15 a viz C’hwevrer.

Yann-Malo Kerbrat

#Enklaskoù foran