Kantadoù a enklaskoù foran a vez aozet bep ‘loaz e Breizh. Met re nebeut a dud a oar ez eus doc’houte. Gant Splann ! e vez renablet bep miz un darn eus ar raktresoù a-bouez a zo war an tiriad, da lak an dud da gemer perzh en tabut foran.
Fell a ra deoc’h bezañ kelaouet war ar raktresoù zo war’r stern en ho pro ? Lakit hoc’h anv digoust da zegemer bep miz hon lizher-kelaouiñ en ho poestad-mail.
Dour
- Sant-Vaeg ha Kaorel (22). Goulenn a ra an div gumun adwelet perimetr gwareziñ sav-dour Montplaisir gant lemel ar pestisidoù war an holl lec’hioù. Digor eo an enklask foran betek ar 27 a viz Kerzu.
- Grace hag la Mote (22). Goulenn a ra an div gumun ma vo lamet ar pestisidoù war holl tachennad e lerc’h vez tapet douar Patautivy. Enklask foran betek ar 27 a viz Kerzu.
- Foûjere (35). Raktres evit reoliañ an dour kaset da benn dre dizourerioù ar ch’oad Felger ha krouidigezh ur poull-dour nevez evit kemer plas hini Bretonnière e kumunioù Kernoanig ha Landean. Enklask foran betek ar Gwener 27 a viz Kerzu.
Energiezh nevezadus
Plouzévédé (29). Raktres sevel un dachenn evit buanaat ar produiñ energiezh nevezadus (ZAENR). Hervez al lezenn 10 a viz Meurzh 2023 (APER) diwar-benn ar produiñ energiezhioù nevezus, a ginnig raktresañ an takadoù emplantañ en teroueroù. Enklask foran betek an 9 a viz Kerzu.
Artifisielaet an douar
- Servon (35). Ar gumun he deus ur raktres takad kempenn kuzuliet (ZAC) lieslec’hienn Champ Marqué. 15,7 ha a dachennoù labour-douar, ha 13,2 ha anezho, e c’hallo bezhañ urbanizet. Enklask foran dre mail deus an 10 a viz Kerzu 2024 d’an 11 a viz Genver 2025.
- Ploezal (22). Raktres sevel ur stal Intermarché, gant efedoù war 19 030 m². Enklask foran dre mail deus an 22 a viz Du d’ar 24 a viz Kerzu 2024.
Endro
Gwiseni (29). Fellout a ra d’ar gumun sevel ur mirva naturel rannvroel war lec’h naturel paludoù, tevennoù ha baeoù Gwiseni. Enklask foran betek ar 25 a viz C’hwevrer 2025.
Atantoù
- Kergloff (29). Goulenn da astenn atant moc’h EARL Cloarec e bilajenn Le Hartz.
- Plouzévédé (29). An SCEA La Vallée he deus goulennet en em enskrivañ avit adkempenn ha ledanaat he atant moc’h en bilajenn Kérinec e Plouzévédé. Ar pal eo mont eus 1 658 loen kevatal da 2 368 loen kevatal.
- Andouillë (35). Raktres evit kreskiñ niver ar moc’h ha neveziñ ar raktres skuilhañ evit ar feurm lec’hiet en ul lec’h anvet Patience.
- La Gherche (35). Raktres kreskiñ an niver a saout-laezh er GAEC du grand Corbelet, e Moutiers, deus 140 da 250 buoc’h-laezh. Enklask foran betek ar 24 a viz Kerzu.
- Nouya (56). Raktres kreskiñ an niver a loened gant ar GAEC Bormarais ha nevesaat ar raktres skuilhañ evit kavout 210 buoc’h laezh. Enklask foran betek an 12 a viz Kerzu.
Industriezh
- Pluguffan (29). Kemper Breizh Ouest ‘deus reoliekaat ur greizenn evit stokañ dilerc’hoù inertek (atredoù) e Kerhoaler evit kenderc’hel e afer ha merañ dour diouzh ar reolennoù. Enklask foran al Lun 2 a viz Kerzu 2024 betek al Lun 30 a viz Kerzu.
- Landivizio (29). Raktres evit sevel un uzin teillage lin e straed Landivizio e Lampaul-Guimiliau gant an embregerezh Bretagne Lin el lazhdi GAD kozh. Enklask foran betek ar 16 a viz Kerzu.
