Peseurt raktresoù ‘zo tro-war-dro e Breizh e miz Ebrel 2024 ?

Labouradegoù

• Javenë, Felger (35). Brasaet e vo labouradeg Chimirec, a zo dindan ar reolennoù Seveso. Produet e vo, ha miret war al lec’h, muioc’h a zanvez helosk (danvez hedan). Padout a raio an enklask foran betek ar 23 a viz Mae. Peadra a zo da c’houzout hiroc’h aze. Hervez ajañs ar yec’hed, n’eo ket bet roet an holl ditouroù dezhi evit ma vefe kat da reiñ hec’h ali war ar riskloù a vo war yec’hed an dud, dreist-holl da geñver saotradur an aer.
• Plouvien (29). Brasaet e vo labouradeg SILL e-kichen an Aber Benniget, ha staliet e vo ur metanizer. Ar c’hementad a dour lonket a gresko (400 000 m³ / bloaz d’ar muiañ en holl). Ha n’eo ket bet studiet an efedoù a vo war rouedad an dour-kêr na war dour ar stêrioù er prantadoù sec’h.

Panelloù heol

• Pleiber-Krist (29). Staliet vo panelloù-heol war 38 devezh-arat (19 ha) gant Green Lighthouse Developpement, war an ti feurm e lec’h ma labour an depuadez Sandrine Ar Feur. Echu eo an enklask foran, met peadra a zo da c’houzout hiroc’h aze. N’eus ket gellet Aotrouniezh an Endro reiñ hec’h ali.
• Ar Folgoad, Lesneven (29). Kroget eo an enklask foran war ar raktres sevel ur greizenn panelloù-heol er Folgoad, war 34 devezh-arat (17ha). D’he sevel e vije ret cheñch diviz ar prefed diwar-benn an takadoù gwareziñ an dour. Padout a raio an enklask betek ar 24 a viz Even.
• Jouë (44). Ur raktres kreizenn panelloù-heol ‘zo war ar stern war 9 devezh-arat a dachenn fraost. Un efed a vo war an takadoù gleb ha spesadoù gwarezet ‘zo. Padout a raio an enklask foran betek ar 17 a viz Mae.
• Sant-Martin(22). Pevar rod-avel a vo savet war ar gumun. Krog a raio an enklask foran adalek ar 7 a viz Mae, betek ar 6 a viz Even. Tu vo teurel ur sell ouzh an doser aze.

Bagoù er porzh

• Sant-Maloù (35). Faotañ a ra da Rannvro Breizh ad-aozañ porzh an Naye, e Sant-Maloù. Padout a raio an enklask foran betek ar 17 a viz Mae. An doser a zo da lenn aze.