Kresket eo ar gwask war labour enklask ar gazetennerien. Savet eo bet Splann ! evit enklask mod dizalc’h war dalc’hoù pouezus a bep-sort. Pemp bloaz war-lerc’h ha kant pennad diwezhatoc’h, emaomp kaset d’al lez-varn gant Philippe Bizien.

Honnezh eo e penn unan eus brasañ atant sevel moc’h e Bro-C’hall, met traoù all a zo ouzhpenn e feurm Landunvez, e Penn-ar-Bed.

Philippe Bizien eo ivez e penn an aozadur micherel Inaporc, e penn an embregerezh sevel staliadurioù metanaa Evalor, ha prezidant an embregerezh Evel’Up (an eil evit ar sevel moc’h er Frañs).

Kement a c’halloudoù a zo bet dielfennet gant Splann ! dre 8 pennad hag enklask.

A gaoz da unan anezho e oa bet kaset Splann ! dirak al lez-varn evit bezañ embannet, d’ar 6 a viz Mae 2024, ar pennad anvet Copains comme cochon : élus, éleveurs ou écrivains, qui sont les lobbyistes du porc en Bretagne ?.

Gant an « enselladenn-mañ a-fet torfedoù gwallvrudañ » eo taget Splann !, dre hor rener embann Alain Goutal, hag hor c’hazetennerien ha kenkrouerien Inès Léraud ha Kristen Falc’hon, an daou a oa bet tamallet evel skrivagner ar pennad.

Roet e vo an disoc’h d’ar 6 a viz Even e Kambr-imbourc’h e Roazhon.

James n’eo bet pouezusoc’h difenn ar gwir da c’houzout hag ar frankiz da gelaouiñ.

⚖️ Evit paeañ hon difenn hag hon dispignoù da heul ur prosezadur evit gwallvrudañ savet gant Philippe Bizien, dre ma oa ret deomp mont e-barzh Kambr-imbrouc’h Roazhon.

🕵️ Arc’hantaouiñ enklaskoù all diwar-benn an agro-industriezh, hep gwask ebet.
Pep euro a gont.

Reiñ sikour da Splann ! evit en em zifenn e laka ivez ekosistem ar media disalc’h da vezañ kreñvoc’h.

Derc’hel da harpañ ac’hanomp ha broudañ ho zud nes da skoazellañ Splann !.