Peseurt raktresoù ‘zo tro-war-dro e Breizh e miz Here 2024 ?

Faustine Sternberg - 10/31/2024

250501 Polaris La Forêt Fouesnant Camion Huile Crédit Djo B

Kantadoù a enklaskoù foran a vez aozet bep ‘loaz e Breizh. Met re nebeut a dud a oar ez eus doc’houte. Gant Splann ! e vez renablet bep miz un darn eus ar raktresoù a-bouez a zo war an tiriad, da lak an dud da gemer perzh en tabut foran.

Fell a ra deoc’h bezañ kelaouet war ar raktresoù zo war’r stern en ho pro ? Lakit hoc’h anv digoust da zegemer bep miz hon lizher-kelaouiñ en ho poestad-mail.

Energiezh

Cesson (35). C’hoant he deus an embregerezh CPV Sun 40 lakaat panelloù heol war 12 devezh-arat e Les Vignettes. An enklask foran a zo digor betek an 22 a viz Du.
Sant-Maloù (Saint-Malo 35). Savet e vo ur greizenn panelloù heol gant an embregerezh CPV Sun 40 e La Janais war 11 devezh-arat. An enklask foran a vo betek an 22 a viz Du.
Illifav (22). Raktreset eo sevel ur park tourioù avel. An enklask foran a vo e-tre ar 5 a viz Du betek ar 6 a viz Kerzu.

Kêriekaat

Saint-Berieu (Sant-Brieg, 22). Cheñchet e vo steuñv kêriekaat evit treuzfeurmiñ 3 964 m² douaroù naturel e takad kenwerzh La Bauchée. Goulennet e vez ivez gant ar gumuniezh kumunioù e vefe aotreet ar savadurioù betek 30 m e karter Balzak, a zo e bord traonienn ar Gouedig, war 0,32 devezh-arat. Gant aotrouniezh an endro eo bet lâret e vo sur-walc’h cheñchet re an dremmwel gant seurt savadurioù. An enklask foran a zo digor betek an 8 a viz Du.
Kemper (29). Adwelet e vo ar steuñv diwar-benn ar beuzadennoù eus kumunioù Kemper, Gwengad hag An Erge-Vras. An enklask foran a zo digor betek an 19 a viz Du.
Brest (29). Raktreset eo ober un takad ekonomikel e Lanvian war 85 devezh-arat. Dastumet e vez ali an dud betek ar 6 a viz Kerzu. Un emgav publik a vo d’an 2 a viz Kerzu e Sant-Divi.

Industriezh

Kemper (29). Embregerezh Polaris he deus ar raktres da implijout produioù eoulek graet gant bezhin pe pesked e-lec’h implijout dour-tan. Ar produioù eoulek-se a zeu eus e uzin er Forest-Fouenant. Roit hoc’h ali betek ar 5 a viz Du.
Ar Menez (22). C’hoant he deus embregerezh Elavon e vefe brasaet hec’h uzin produiñ eoul kolza hag eoul tro-heol da 55 tonen bemdez, war kumun Ar Menez. Moaien zo reiñ hoc’h ali betek an 18 a viz Du.

Atantoù XXL

Plougerne (29). Un atant desevel moc’h en deus c’hoant mont war vrasaat. Goulennet e vez ali an dud betek an 21 a viz Du.
Grace (22). Un atant desevel moc’h en deus c’hoant mont war vrasaat. Goulennet e vez ali an dud betek ar 5 a viz Du.

Mein-gleuz

Lokournan (29). Goulenn a ra embregerezh Guena un aotre evit kenderc’hel da zenañ granit e mein-gleuz Tregorf war 42 devezh-arat. Ouzhpenn he deus c’hoant kreskiñ war 20 devezh-arat. An enklask foran a zo digor betek an 16 a viz Du.

Faustine Sternberg

#Enklaskoù foran