Berhan (22). Un enklask foran a vo digor e-tre ar 5 a viz Meurzh hag ar 4 a viz Ebrel evit ma vefe cheñchet ar steuñv kêriekaat (plan local d’urbanisme e galleg).

Plouzane(29). C’hoant he deus Brest Meurgêr reiñ un nebeud savadurioù bet tapet ganti. En o zouez emañ maner an Nevent. Daou viz o deus ar berc’henned kozh da reiñ o soñj ma n’emaint ket a-du.

Minia (35). Goulennet ez eus bet un aotre endro gant embregerezh ROMI Bretagne evit sevel ur savenn diveskañ nevez evit lastez dañjerus ha pas dañjerus e tachenn industriel Actipôle. Digor eo an enklask foran betek an 18 a viz Meurzh.

Pomeret (35). Adwelet e vo steuñv kêriekaat ar gumun (plan local d’urbanisme e galleg). An enklask foran a zo digor betek an 21 a viz Meurzh.

Arzhal (56). Raktreset eo adrannañ an tachennoù labour-douar er gumun. Graet e vo ar raktres-se hervez mellad L123-1 « en ur adurzhiañ an tachennoù re vihan pe re bell an eil ouzh egile. Ar pal eo krouiñ tiez-feurm unanvet pe d’an nebeutañ kaout an tachennoù labouret gant ar memes den stok-ha-stok ». An enklask-foran a zo digor betek an 10 a viz Meurzh.

Plonevez-Porzhe (29). C’hoant en deus an EARL Colin e vefe reizhet e atant desevel moc’h bet brasaet e Kerveling. Goulennet e oa bet mont war vrasaat ur wech kentañ e 2018 evit kaout 1.491 porc’hell. Nullet e oa bet an aotre gant lez-varn Roazhon d’an 26 a viz Even 2019. Ret eo neuze d’an atant heuliañ ar prosez evit kaout un aotre endro. Digor eo an enklask foran betek an 28 a viz Meurzh.

Lannebeur (22). C’hoant he deus ar SCEA du Parc-Fleur brasaat e atant desevel moc’h lec’hiet e Kergaff evit kaout 1980 loen e-lec’h 1.245. Gall a rit reiñ hoc’h ali betek an 21 a viz Meurzh.

Saint-Ganton (35). Goulennet ez eus bet un aotre endro gant an SAS Landiset evit sevel ur park tourioù avel. Digor an enklask foran betek ar 1añ a viz Ebrel.