[Titouroù Splann !] Reuz da gaout en diabarzh d’an embregerezh voc’h Cooperl
Kristen Falc'hon - 06/13/2024![](https://splann.org/wp-content/uploads/2023/11/231116-Splann-Enquete-Cooperl-volet-1-1-600x338.jpg)
Da heul ar sevel listri eo erruet embregerezhioù industriel e-leizh d’en em staliañ e Sant-Nazer. Seizh outo a brodui pe stok danvezioù dañjerus evit an…
Talvoudus-meurbet eo kleuzioù ha girzhier gwalarn Frañs e-tal reuz direizhder an hin ha diskar ar vev-liesseurted. Padal e kouezh ar c’houst merañ war zivskoaz al…
Pell mat eo Cooperl hiriv an deiz diouzh ar strolladig 25 saver moc’h en deus savet anezhi. Deuet eo da vezañ ur gompagnunezh etrevroadel.
C’hoant zo staliañ mil labourer-douar ar bloaz a-benn 2028 e Breizh. Hiziv n’eus nemet 500 a zeu a-benn d’en em staliañ e-keit ma weler tiez-feurm…
E Lambal(22) eo staliet sez ar C’hooperl. Lazhet ez eus bet ganti 4,6 milion a voc’h e 2022 : ar gevelouri voc’h vrasañ e Frañs an hini eo. En enklask bet embannet ganeomp diwar he fenn e miz Du 2023 hon eus kontet deoc’h ar reuz a zo savet e-touez an izili. Ouzhpenn 2.200 desaver moc’h a zo ezel eus ar C’hooperl ha lod anezho a gav abeg en dibaboù graet ganti, da skouer en he doare da zispign an arc’hant.
D’an 21 a viz Even e vo dalc‘het emvod-meur ar gevelouri e Lambal. Ha sur a-walc’h e vo cheu. Hervez ar pezh omp deuet a benn da c’houzout, e vije ur strollad desaverien-voc’h o klask boutañ maez ar c’huzul merañ. Gant sikour ur c’habined alvokaded e vo klasket ganto adnevesaat ar c’huzul merañ en e bezh ha n’eo ket dre un drederenn hepken evel boaz.
Petra eo an dalc’h neuze? Rebechet e vez dibaboù an embregerezh gant izili zo. C’hoant o deus an desaverien gallout gwerzhañ o c’hig d’ur priz uheloc’h. Padal e vez gwerzhet kig moc’h produerien ar C’hooperl dindan hini marc’had Breizh, da lavaret eo dindan ar priz-dave, ha se dibaoe un nebeut mizioù. Seurt arguzennoù a c’haller lenn hiroc’h diwar o fenn en hon enklask.
Ouzhpenn-se e c’houlenn an izili bezañ dieub eus o choazoù. Pa vezer ezel eus ar C’hooperl ho peus ur gevrat da sinañ gant ur bern redioù ha dibleg e vez ar gevelouri war ar poent-se. Rebechet e vez ivez d’an embregerezh bezañ bet plantet arc’hant e broioù estren pe c’hoazh da chom amsklaer diwar-benn gounidoù an iskevredadoù.
« Un dazont evit ar C’hooperl » (pdf), setu titl un destenn bet skrivet gant lod eus an desaverien voc’h. Enni e c’haller lenn : « Ma kouezh ar gevelouri e kouezhimp holl ganti ». Hervez an destenn-se emañ ar renerien re bell eus gwirionez ar vicher ha ne selaouont ket al labourerien-douar.
Gant Bernard Rouxel, prezidant ar C’hooperl, ez eus bet kaset ur postel d’an 30 a viz Ebrel evit tagañ ar re a vez o klask cheñch penn d’ar vazh. Goulennet e vez gantañ d’an izili dont niverus d’an emvod-meur.
Resevit bep miz danvezioù nevez flamm dre vail ha bezit kelaouet eus hon enklaskoù nevez, e brezhoneg. Digoust eo !
En ur lakaat ma anv evit lizher-kelaouiñ Splann ! e asant din e vo implijet ar roadennoù personel am eus pourchaset (chomlec'h postel) da-ge