Peseurt raktresoù ‘zo tro-war-dro e Breizh e miz Genver 2025 ?

Sant-Brieg (22). Ur raktres evit lakaat ar c’hreiz-kêr da advevañ a zo gant kêr Sant-Brieg hag an embregerezh Urbabreizh. Gall a rit reiñ hoc’h ali war al labourioù raktreset betek an 21 a viz C’hwevrer 2025.
Lokentaz (56). Raktreset eo ober cheñchamantoù er steuñv kêriekaat (plan local d’urbanisme e galleg) evit gwiriekaat hag-eñ eo rummet mat an tachennoù douar, hag evit gwareziñ ha gwellaat stad ur stêrig dour. An enklask foran a zo digor betek an 21 a viz C’hwevrer.

Le Reu (35). C’hoant he deus an embregerezh EPV Le Rheu sevel ur greizenn panelloù heol. An enklask foran a o digor e-tre al lun 3 a viz C’hwevrer hag ar Gwener 7 a viz Meurzh.

Zinzag-Lokrist (56). Raktreset eo astenn mengleuz Coët Lorc’h eus 40 devezh-arat. An enklask foran a vo betek an 13 a viz C’hwevrer.
Marcillé-Robert (35). Goulennet e vez gant an embregerezh Novandie un aotre endroel evit cheñch an doare d’ober war-dro an dourioù lous en he savadur e Marcillé-Robert. C’hoant he deus sevel ur purlec’h biologel hag adwelet he steuñv skuilhañ. An enklask foran a zo digor betek ar 14 a viz C’hwevrer.
Foûjerë (35). C’hoant he deus an embregerezh Etche Stock distrujañ ur savadur hag adsevel ur savenn lec’haveiñ eus 41.430 m², da lâret eo 20.100 m² ouzhpenn. An enklask foran a zo digor betek ar 14 a viz C’hwevrer.