Splann !  he deus enklasket diwar-benn distruj reoliek an ospitalioù publik : koskor ha savadurioù, niver a weleoù hag arc’hantaouiñ. Un drailh programmet evit mat ar gennad prevez. Analizañ a reomp holl elfennoù un drailh programmet evit mat ar gennad prevez. 

Ouzhpenn 1 000 penn servij a roas o dilez eus o c’hefridioù melestradurel en ospitalioù eus pep korn-bro a zo e Frañs, e 2019. Ar bloavezh war-lerc’h, e-kreiz enkadenn ar C’hovid, edo an dud o sktrakal o daouarn ouzh o frenestr evit trugarekaat labourerien ar prederiañ. N’heller ket dioueriñ an ospital, padal ar bloaz-mañ e ranko an ospitalioù dioueriñ arc’hant c’hoazh : 700 milion a euroioù en deus divizet ar gouarnamant espern er gennad mezegel-ha-sokial a-bezh.

Splann! en deus dibabet ober ur bilañs eus sistem an ospitalioù publik e Breizh : kartennoù dibar ha labourioù enklask ledan a ro tro deomp da wellet resis pegen bras eo an distrujoù war ur gwir diazez : ar yec’hed evit an holl. An trummadoù en arvar fall, an ospitalioù o klask arc’hant, a ya en-dro evel embregerezhioù, ar savadurioù distrujet, ar medisined diviget. Lod eus ar glañvourien n’ez eont ket mui da gaout ar medisin, hag ur sektor prevez a zalc’h e nerzh en ur marc’had o vont war-raok.