[et_pb_fullwidth_header text_orientation=”center” header_fullscreen=”on” header_scroll_down=”on” button_one_text=”LUSKEDOÙ” button_one_url=”https://splann.org/br/degemer/#luskedoù” button_two_text=”PIV OMP ?” button_two_url=”https://splann.org/br/degemer/#piv-omp” button_one_text_last_edited=”off|desktop” content_tablet=”

Ar media enklask dizalc’h nevez e Breizh

” content_phone=”

Ar media enklask dizalc’h nevez e Breizh

” content_last_edited=”on|phone” disabled_on=”on|off|off” admin_label=”Texte haut de page et bouton PC & Tablette Bzhg” _builder_version=”4.16″ _module_preset=”default” title_font=”Oswald|300|||||||” title_text_align=”center” title_text_color=”#FFFFFF” title_font_size=”48px” content_font=”Public Sans||||||||” content_text_align=”justify” content_text_color=”#d6d6d6″ content_letter_spacing=”1px” content_line_height=”1.5em” subhead_font=”Oswald|300|||||||” subhead_text_align=”center” subhead_text_color=”#d6d6d6″ subhead_font_size=”49px” subhead_letter_spacing=”1px” subhead_line_height=”1.7em” background_color=”RGBA(0,0,0,0)” background_image=”https://splann.org/wp-content/uploads/2022/08/Splann-Fond-decran-page-accueil-02-scaled.jpg” custom_button_one=”on” button_one_text_size=”22px” button_one_icon=”I||divi||400″ button_one_custom_margin=”50px||50px||false|false” button_one_custom_margin_tablet=”50px||50px||false|false” button_one_custom_margin_phone=”100px||100px||false|false” button_one_custom_margin_last_edited=”on|desktop” custom_button_two=”on” button_two_text_size=”22px” button_two_icon=”I||divi||400″ button_two_custom_margin=”50px||50px||false|false” button_two_custom_margin_tablet=”50px||50px||false|false” button_two_custom_margin_phone=”10px||10px||false|false” button_two_custom_margin_last_edited=”on|desktop” custom_margin=”|0px||0px|false|false” custom_padding=”0px|0px|0px|0px|false|false” title_font_size_tablet=”32px” title_font_size_phone=”24px” title_font_size_last_edited=”on|tablet” button_one_text_size_tablet=”18px” button_one_text_size_phone=”16px” button_one_text_size_last_edited=”on|tablet” button_two_text_size_tablet=”18px” button_two_text_size_phone=”16px” button_two_text_size_last_edited=”on|desktop” locked=”off” global_colors_info=”{}” button_one_bg_color__hover_enabled=”off|desktop” button_one_bg_color__hover=”#f9f900″ button_one_bg_enable_color__hover=”on”]

Ar media enklask dizalc’h nevez e Breizh

Kas da benn enklaskoù kazetenniñ er Vro

Splann ! Ar gazetennerien-enklaskerien o deus ezhomm bezañ harpet ganeoc’h !

Splann ! eo media enklask dizalc’h nevez e Breizh. Gantañ e vez kaset da benn :

Enklaskoù kazetenniñ : dre se e ranker reiñ amzer a-walc’h d’hon c’hazetennerien da c’hellout mont pell e-barzh danvez o sujedoù … Ha mont betek penn o enklaskoù.
Displegañ sujedoù hag a zo pouezus evit an holl er gevredigezh. Gant kazetennerien digabestr, evel-just!
Pennadoù-skrid pizh embannet e galleg hag e brezhoneg.

Splann ! eo ar media kentañ gouestlet penn-da-benn d’an enklaskerezh e Breizh. Renet eo gant ur spered dizalc’h ha nann-genwerzhel. Se a zo kaoz en deus ezhomm Splann ! bezañ skoazellet ganeoc’h-c’hwi kuit bezañ lakaet dindan gwask ar galloudoù ekonomikel ha politikel.

Gant Disclose e vezomp soutenet

Gant Disclose ez eus roet skoaz ouzh Splann ! . Brudet eo ar media-se evit bezañ lakaet war-wel meur a afer: saotradurioù graet gant Lactalis, da skouer; peotramant hini an armoù gall implijet gant lu Yemen evit lazhañ poblañs e vro; pe c’hoazh evit bout bet galvet e gazetennerien da respont d’an DGSE.

Gant ar memes doare ha Disclose ez aio Splann !. Da lâret eo : goprañ mat ar gazetennerien, dezho da gaout peadra da vont betek penn o enklaskoù.

Roet ‘vo an enklaskoù-se d’ar mediaoù a genlabouro, evit mann. Digoust e vo tu deoc’h lenn anezho ivez war hol lec’hienn internet splann.org.

Evel Disclose ez aio Splann ! war gement tachenn a vo ezhomm ren enklaskoù. Ar pal a zo reiñ da c’houzout d’an holl ar pezh a zo o c’hoarvezout en o bro e kuzh dezho.

Un diouer a ditouroù er Vro

Perak ? Rak, e Breizh, ez eus un diouer a ditouroù war sujedoù pouezus-kaer evel :

Ar bezhin glas ; an agro-industriezh ; ar saotradurioù a bep seurt e-giz saotradur ar stêr-Aon e Kastellin e-kerzh an hañv gant danvez un uzin da vetanaat ; al labouradegoù da broduiñ energiezh ; an tachennoù Seveso ha reoù an arme c’hall ; al liammoù kreñv a zo etre ul lodenn eus ar bolitikerien hag an embregerezhioù bras ; an tachennoù ZAD ; ar stourmoù sokial hag ar bec’h a zo lakaet war ar gevredigezh gant ar polis…

Mod pe vod, er mare-mañ, emañ an nen o klask gouzout penaos, ‘ta, e c’hall mont en-dro ar gevredigezh. E Breizh ez eus ur bern sujedoù hag a zo e-kreiz an dalc’hoù displeget un tamm a-raok. Hag ouzhpenn ar Vretoned a zo desachet gant ar sujedoù-se. Ken pouezus int hag o deus un dalvoudegezh a live broadel hag etrevroadel zoken. Se a zo kaoz e ranker krouiñ ur mod digabestr da gazetenniñ evit diskouez splann peseurt interestoù noazus, prevez ha publik, a zo en hor bro.

Evit bout dieub e rankomp bout harpet

Siwazh, n’eo ket aes da gazetennerien ar mediaoù lec’hel labourat war ar sujedoù a zo kizidik-tre, daoust dezho bezañ pouezus-kaer evit ma yafe mat en-dro ar breud demokratel. En nevezamzer dremenet, tost 500 kazetenner asambles gant sindikadoù, kevredigezhioù ha strolladoù kazetennerien o deus kensinet ul lizher a oa bet kaset da rannvro Breizh. Ganto e oa bet embannet sklaer ez eus diaezamantoù bras evit titouriñ mat an dud diwar-benn industriezh gounez-vouedel ar vro. Kement se a zo, evel-just, chalus-tre evit ar geodedourien.

Met estreget ar c’hudennoù-se a zo… Diaesoc’h-diaesañ eo d’ar gazetennerien ober o labour diwar-benn al luskadoù sokial e Breizh hag e Bro-C’hall, kement ha ma vezont lakaet dindan gwask galloudoù politikel ‘zo… Asambles gant o foliserien hag o archerien.

Pe e vefe war ar sujedoù-se pe war sujedoù all, pal Splann ! a zo embann keloù dieub, digabestr, resis, fetis, sklaer ha digoust… D’an holl gellout bezañ titouret.

Evit brudañ ha skignañ Splann ! hag evit dastum arc’hant da baeañ an enklaskoù embannet gant hor media nevez ez eus ezhomm an holl ac’hanoc’h. Ha peogwir ez eus sujedoù mallus-tre da lakaat war wel hon eus komañset da gas ul labour enklask dija, ul labour hag a zo tost war an echu…

Piv omp ?

Splann ! a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. E Bro-Dreger, e Gwengamp, emañ staliet.

Da gentañ e vez divizet gant ar c’huzul-embann ur sujed a zo ezhomm e vefe enklasket diwar-e-benn. Kazetennerien a vez gopret da c’houde evit ober al labour, hag amzer a vez laosket dezhe da beurechuiñ o enklaskoù. Er fin e vez roet, evit mann, ar pennadoù d’ar mediaoù a genlabour : gante e vez embannet pe skignet an enklaskoù evit ma vefe tizet ar muiañ a dud. Kavet e vo ivez, digoust, ar pennadoù war lec’hienn internet Splann !.

Digant keodedourien ha kevredigezhioù (nemet ar re a zo stag ouzh embregerezhoù pe strolladoù politikel) e vez dastumet an arc’hant. Diganto hepken. Setu hon c’hontoù evit ar bloavezhioù tremenet :

2021

Arc’hant roet gant an dud : 85 646 €
Arc’hant roet gant ar c’hevredigezhioù : 4 849 €

2022

Arc’hant roet gant an dud : 65 425 €
Arc’hant roet gant ar c’hevredigezhioù : 1 250 €
Levrioù gwerzhet : 1 000 €
Fonds pour la presse libre : 15 000 €
All : Aet eo ar maout gant Splann ! er Prizioù. Roet ‘zo bet deomp 500 € hag a zo bet roet da di-embann oc’h ober war-dro bandenn treset Inès Léraud, Bezhin Glas, an istor difennet.

Adkavit amañ hon statudoù, hon c’harta hag hon reolennoù diabarzh.

Er gevredigezh e kaver kazetennerien ha kazetennerezed, eus ar Vro evit darn-vrasañ anezho, ha tud all a fell dezho harpañ ur c’hazetenniñ dizalc’h. Div gazetennerez, Juliette Cabaço Roger ha Faustine Sternberg, zo gopred evit kenurzhiañ abaoe penn-kentañ 2023. Ar pennadoù ‘vezont skrivet gant kazetennerien dizalc’h. Un ugent den bennak a reiñ sikour a-youl vat.

Ober war-dro mont-endro Splann ! a vez graet gant ar c’huzul-se. Pep dilennad a zo par d’ar re all a-fed pouezh ha kargoù. Gant bodad-meur ar gevredigezh e vezont dilennet. Emañ er c’huzul-merañ :

Morgan Large, kazetennerez
Raphaël Gitton, kelenner
Alain Goutal, tresour
Alain Miossec, war e-levezh
Sylvain Ernault, kazetenner
Anne Kiesel, kazetennerez

Dibab sujedoù an enklaskoù hag ar gazetennerien a vo o labouret warno a vez graet gant ar c’huzul-embann, a-youl vat. Ma fell a dud zo, tu zo skoazell ha heuliañ an enklaskoù en ur labourat gant ar gopridi.

Ar c’huzul-surentez a zo e karg eus gwareziñ ma vefe doujet eus statudoù ar gevredigezh, ha eus ar garta-embann. Emañ er c’huzul-se an izili o doa ken-savet Splann !.

Mediaoù a genlabour ganeomp

Soutenet omp bet gant

Darempredoù

contact [@] splann.org

Splann !, 3 plasenn Maez ar Roue, 22200 Gwengamp

Evit poent ne c’hall ket Splann ! degemer stajidi.

Titouroù da gas deomp ?

Titouroù pouezus evit ar gevredigezh ‘zo ganeoc’h ? Dokumantoù kizidig pe danvezioù e rankfe Splann ! enklask diwar o fennoù ?

Kasit deomp ur postel kentañ gant ur chomlec’h hep hoc’h anv (gant un anv fals ma karit) a-benn displegañ deomp eus petra ‘zo kaoz berr-ha-berr. Gwelloc’h eo implijout posteloù evel Protonmail.
Respontet ‘vo deoc’h penaos ober evit kenderc’hel an tabut ha kas deomp an dokumantoù.

Da ziwall : Doare ebet da gas titouroù ‘zo 100 % e surentez. Gall a reoc’h implijout meziantoù suroc’h c’hoazh eget Tor pe ur rouedad prevez (VPN). Ma n’ho ‘peus ket fiziañs en ho pellgomzer pe urzhiataer e c’hallit implijout benvegoù ispisial ha n’int ket deoc’h.

Kas ur chekenn deomp

« Da Splann ! » eo dav deoc’h skrivañ war ar chekenn ha kas anezhañ da Splann !, 3 plasenn Maez ar Roue, 22200 Gwengamp

[wd_hustle id=”4″ type=”embedded”/]