Cheñchamant an hin : diaesoc’h-diaesañ e vo asuriñ an tiez en Aodoù-an-Arvor
Sylvain Ernault - 06/29/2024![](https://splann.org/wp-content/uploads/2024/06/IMG_0305-600x400.jpg)
Da heul ar sevel listri eo erruet embregerezhioù industriel e-leizh d’en em staliañ e Sant-Nazer. Seizh outo a brodui pe stok danvezioù dañjerus evit an…
Talvoudus-meurbet eo kleuzioù ha girzhier gwalarn Frañs e-tal reuz direizhder an hin ha diskar ar vev-liesseurted. Padal e kouezh ar c’houst merañ war zivskoaz al…
Pell mat eo Cooperl hiriv an deiz diouzh ar strolladig 25 saver moc’h en deus savet anezhi. Deuet eo da vezañ ur gompagnunezh etrevroadel.
C’hoant zo staliañ mil labourer-douar ar bloaz a-benn 2028 e Breizh. Hiziv n’eus nemet 500 a zeu a-benn d’en em staliañ e-keit ma weler tiez-feurm…
Sec’hor, dourioù-beuz, dic’hlannoù, live ar mor war uhelaat… Muioc’h-mui e vo gwelet darvoudoù dreistordinal dre m’eo tommoc’h-tommañ ar bed, eme skiantourien ar Giec. Klevet mat eo bet ar c’heloù gant an embregerezhioù asurañs. Graet ez eus bet ur « stress-test » gant an Autorité de contrôle prudentiel et de résolution (ACPR), un ensavadur stag ouzh Bank Frañs, hag hervez an diell e vo div wech muioc’h a wallzarvoudoù etre 2022 ha 2050.
Ar wech kentañ eo e vez muzuliet ar riskloù-mañ. « E 2050 e vefe torret 7,15 % eus ar c’hevratoù asurañs e Aodoù-an-Arvor, ar pezh a zo kalzig, a c’heller lenn en diell c’hoazh. Gallout ‘rafemp displegañ ar sifr-mañ abalamour ma vo muioc’h a wallzarvoudoù e lec’hioù zo. Evel-just e kresko priz an asurañsoù el lec’hioù-se. » Emañ aodoù Mor Breizh hag aodoù Mor Kreizdouar e-touez ar re washañ.
« Pa vez torret ur gevrat asurañs ez eo posupl ma vefe graet unan nevez gant un embregerezh all. Forzh penaos e vo dav gwiriañ ar sifroù evit ma vefent resisoc’h », eme c’hoazh ar re o deus skrivet an diell. Hervez Laurent Clerc, rener studiadennoù ar riskloù er media Novethic, ar pal a oa sachañ evezh an embregerezhioù asurañs evit ma vefe kemeret e kont e teuio da vezañ re gêr an asurañsoù evit lod eus an dud.
En un diell all bet roet d’ar gouarnamant e miz Ebrel e oa bet kaoz dija eus ar riskl ne vefe ket moaien ken asuriñ an tiez bet roet d’ar gouarnamant e miz Ebrel : « Muioc’h-mui a ostilhoù a gaver evit gouzout peseurt lec’hioù a vo taget ar muiañ. Hag an embregerezhioù a c’hell sevel strategiezhoù evit chom hep asuriñ anezho ». Ur steuñv evit en em adaptiñ ouzh cheñchamant an hin a oa war ar stern gant ar gouarnamant. Sañset e oa da vezañ embannet e-pad an hañv. Met se e oa a-raok ma vefe divodet ar Vodadenn vroadel…
Resevit bep miz danvezioù nevez flamm dre vail ha bezit kelaouet eus hon enklaskoù nevez, e brezhoneg. Digoust eo !
En ur lakaat ma anv evit lizher-kelaouiñ Splann ! e asant din e vo implijet ar roadennoù personel am eus pourchaset (chomlec'h postel) da-ge