Stokañ produioù kimiek

• Dinarzh, La Richardae, Plleurtu, Saint-Lunére (35). Lakaet dindan al lezenn e vo savadur stokañ produioù kimiek (temz, pestisidoù) embregerez Florendi.

Metanerezioù o vont war vrasaat

Boutin eo ar mont en-dro-mañ bremañ : ar re o deus c’hoant sevel metanerezioù a ra gant unan «bihan» da gentañ. Ha just war-lerc’h na vefe savet e c’houlennont brasaat anezhañ. Kaoz e oa eus an teknik-mañ en hon enklask diwar-benn ar metanaat.         

• Ghipè, Combou (Komborn), Hedë-Bâzouje, Montreu, Saint-Médardet Saint-Aobin-d’Aobignë  (35). Un enklask foran a zo betek a-benn brasaat metanerez GAEC Methaloen.
• Findi, Saint-Gonlai, Meilla (35).  Un enklask foran a zo a-benn brasaat metanerez SAS Rochette.
• Le Ferrë (35). Un enklask foran a zo a-benn brasaat an SAS Cour Cidrée Energie.
• La Chapelle de-Brain et Rena (35). Un enklask foran a zo a-benn brasaat SARL Bio 2G. 

Atantoù XXL

• Pllelan, Pempont (35). Brasaet ‘vo menaj Scea de Ruminy. 
• Plouvara (22). Kresket ‘vo an niver a bennoù-moc’h e menaj EARL Monjaret. 
• Milizag – Gwiproñvel (29). Kresket ‘vo an niver a yer desavet gant ar Scea Merceur.

Uzinoù ha betoñs XXL

• Roazhon Meurgêr, Thorigné Fouillard (35). Lonket 54 devezh-arat (27 ha) a douaroù gant an takad kenwerzh ZAC  Porte de Tizé.
• Erbigna (Erbigneg), Gwenrann (44). Kresket ‘vo takad kenwerzh ar Pré Govelin ‘ba Erbigneg.
• Ar Faoued, Lannejenn (56). Savet ‘vo un hent e-kreiz ar maezioù, a-dreuz d’ar pradoù ha kleuzioù. Setu ali Aotrouniezh an Endro.