Splann ! a ginnig deoc’h bezañ titouret diwar-benn an holl raktresoù agrobouedel hag industriel tro-dro deoc’h ha kelaouiñ hoc’h amezeien.

Betoñs hag eil tiez VS parkeier

Studiet eo bet raktresoù a dost gant ar MRAE ar miz-mañ :

Pondi Kumuniezh (56). Betek 40 devezh-arat (20 ha) a vo lonket, da vrasaat un takad koñvers.
Kankaven (35). 10 devezh-arat (5ha) a barkeier ha 2 zevezh-arat takad gleb a vo implijet da sevel ul lodennaoueg. Ur riskl ‘zo ma teufe an tiez da vezañ eil-tiez.

Atantoù XXL

Bulion, Logunec’h, Jocelin (Josilin) (56). Raktres klud-yer gant 40.000 plas yer, savet gant SARL Basse Cour.
Foûjere (Felger), la Celle, Javenë (35). Ad-aozet vo stal desevel pemoc’h EARL La Pignonnière, enklask foran adalek an 30.05.

Uzinoù ha saotradur an aer

Plleucadeu, Maltret (Malastred), Saint-Marcè (56). Savet e vo un uzin gimiek war douaroù labour-douar gant Bretagne Chimie Fine. Taget oa bet ar raktres gant ar MRAE abalamour ma ne oa ket bet priziet mat an efedoù fall a vefe war saotradur an aer hag an dour.
Kledenn-Poc’hêr (29). Raktres uzin da broduiñ ter-douar (bitum), gant Pigeon Bretagne Sud, war 4 devezh-arat (2ha) parkeier.
Gweltas, Rohan, Pondi (56). Raktreset gant Suez sevel un uzin d’ober war-dro al lastez ha produiñ energiezh.
Corcouë (44). Savet e vo ur metanizer gant SAS Metha-Herbauges Corcoue.

Milinoù-avel