Splann ! a ginnig deoc’h bezañ titouret diwar-benn an holl raktresoù agrobouedel hag industriel tro-dro deoc’h ha kelaouiñ hoc’h amezeien.

Metanerezioù o vont war vrasaat

Boutin eo ar mont en-dro-mañ bremañ: ar re o deus c’hoant sevel metanerezioù a ra gant unan «bihan» da gentañ. Ha just war-lec’h na vefe savet e c’houlennont brasaat anezhañ. Kaoz e oa eus an teknik-mañ en hon enklask diwar-benn ar metanaat.         

• Bouajergaod, Findi, le Qerouae, Montaoban, Saint-Maogan, Saint-Onin (35). Un enklask foran a zo betek an 17/03, a-benn ma vefe kresket metanerez SARL La Saude, bet savet e 2020.        
• Meilla, Plleugueneu (35). Un enklask foran a zo betek an, a-benn ma vefe uhelaet ar c’hementad dañvez evit metanerez SAS La Lande de Rouie.
• Pllédè, Evran, Plleugueneu,les Champs-Jeraod (35). Un enklask foran a zo betek an 03/03, a-benn brasaat metanerez SAS Metha Delarocheaulion, bet savet e 2022.

Bevliesseurted vs Tredan 

• Luitrë-Dompierre (35). Daouzek devezh-arat koadoù ‘vo skarzhet evit sevel un uzin pannieloù heol. Setu amañ un doser savet gant kevredigezhioù lec’hel.
• Ar Folgoad ha Lesneven (29). Bout ‘zo eus ur raktres uzin pannieloù heol war douaroù-labour-douar e-kichen sav-dour Kergo ha Lannuchen. Enklask foran eus an 1/02 betek an 3/03.        
• Châtillon, Montaotour ha Princë (35). Un enklask foran a zo betek an 14/03 diwar-benn un aotre da sevel tourioù-avel gant embregerezh Parc Éolien du Harault.

Atantoù XXL

• Forjes de Lanouée (56). Un enklask foran a zo betek an 02/03, diwar-benn un atant yer e-tre 34 000 ha 65 625 loen, a-berzh EURL Avifillon.   
• Tourie, Laleu, La Boce, Trevo (35). Un enklask foran a zo betek an 03/03 diwar-benn un atant saout/yer ‘neus c’hoant brasaat, a-berzh GAEC Beaumont Férard.

Uzinoù ha betoñs XXL

• Noal-Pondi, Sant-Jelan (56). An embregerezh Altho hag he merk « Bret’s » a savo un uzin nevez da broduiñ chips war 24 devezh-arat douaroù-labour-douar. Ha kas a reont da sutal an ekonomiezh lec’hel : gwerzhet ‘vo ar chipsoù da vroioù estren.
• Saint-Cradè (22). A-benn nebeut ‘vo savet ur pezh-mel savadur da verniañ produioù agro-boued, gant ID Logistics war 20 devezh-arat a douaroù-labour-douar. Ha war un tolpad a zo bet lakaet war-well dija abalamour ma sav kalz re a savadurioù industriel eno hep doujañ a-walc’h ouzh an endro.
• Roue Morvan Kumuniezh (56). Re a vetoñs a zo war an douaroù, eme ar Mrae (aotrouniezh an endro) en hec’h ali diwar-benn ar PLUi.