Splann ! a ginnig deoc’h bezañ titouret diwar-benn an holl raktresoù agrobouedel hag industriel tro-dro deoc’h ha kelaouiñ hoc’h amezeien.

Tredan VS Endro

Paket fall ar c’hoadeier hag al loened gouez gant ar raktresoù produiñ tredan zo war ar stern.

• Dinan, Ocaleu (Oskaleg) (22). 30 hektar a vo lonket gant ur raktres staliañ panelloù-heol, kaset da benn gant an embregerezh Initiatives et Energies Locales (IEL). En o zouez e vo 26 devezh-arat (13 hektar) a goadoù ha gwernioù a vo distrujet. Kavet e vo amañ renabl an dalc’hoù endroel. Hag an teuliad a-bezh dre amañ (lodenn «Enquête publilque»). Enklask foran betek an 9.08.
• Dinan, Trelivan (22). Ur raktres all a vo lañset gant an IEL e Dinan-Trelivan, war 24 devezh-arat (12 hektar) a goadeier. Hiroc’h a oa bet lâret gant Ouest-France e penn-kentañ ar raktres.
• Silieg (56). Ur raktres sevel tourioù-avel zo gant an embregerezh Boralex (Kanada). Riskloù zo evit an endro hag al loened gouez hervez an MRAE. Hec’h ali zo da lenn aze.

Betoñs VS pradoù

• Pondi, Cressanvè (Kroeshañveg), Nôyal (Noal-Pondi) (56). Lonket ‘vo adarre ouzhpenn 35 devezh-arat (17 hektar) da greskiñ un takad greantel e Pont-Sant Karadeg, gouestlet d’an agro-boued. Teuliad da bellgargañ amañ. Enklask boutin betek an 8.08. Da zerc’hel soñj : er memes bro e vo savet savadurioù bras, evel ur pezh mell uzin gant Altho.
• Kloar-Fouenant (29). 16 devezh arat (8ha) a vo gouestlet da sevel savadurioù nevez, primoc’h eget ar pezh a oa raktreset er PLU diwezhañ. Enklask boutin betek an 18.08. Sellout ouzh an teuliad amañ hag ar studiadenn war dalc’hoù an endro.
• Bain (Baen-Veur) (35). Ul lodennaoueg a vo savet war 12 devezh-arat (6 hektar), gant ar c’hCredit Mutuel ha Foncier Conseil. An MRAE, an aozadur zo e karg da studiañ an dalc’hoù war an endro, n’eus ket gellet reiñ hec’h ali diwar-benn ar raktres. An teuliad a-bezh.

Gwenojennoù publik distrujet

Gwenojennoù publik a vo lakaet da brevez e kumunioù ‘zo, ma vez asantet hen-ober gant an enklaskoù foran zo war ar stern. C’hoarvezout a ra ingal gant seurt hentoù bezañ stouvet ha distrujet da vrasaat parkeier.

• Bro Dinan, Pllédè (Pleder) (35). 14 gwenojenn a vo lakaet da vezañ prevez e Pleder. Enklask foran betek an 31.07.
• Bro Foûjere (Felger), Saint-Jermain (35). Enklask foran da c’houzout daoust hag e vo lakaet da vezañ prevez un hent publik e kêriadenn La Cocherie, e St-Jermain (St Jermen-Gougleiz).
• Saint-Pé, Sant-Pern (35). Div wenojenn a vo lakaet da vezañ prevez. An enklask foran vo klozet d’ar 24.07.

Tiezh-Feurm XXL

• Taole (29). Brasaet ‘vo un atant da zesevel saout gant an EARL de Kerjegu. E-barzh ar gumun e kaver menajoù e-touez ar re vrasañ zo e Breizh. Enklask foran betek an 18.08.
• Dinan (22), Dol, Combou (Komborn), Rôz (Roz-Lanrieg) (35). Brasaet ‘vo un atant da zesevel saout gant an SCEA Cornee-Louvet e kumun Roz-Lanrieg. Enklask foran betek an 19.08.