220311 - Splann ! Dessin Belo Monte Yann Le Sacher - compressé
Iberdrola. Pa vez louz an « energiezh naet ». Un enklask etrevroadel graet gant Splann !

by | 07 04 2022

62 rod-avel a vo plantet e foñs mor Bae Sant-Brieg, e Breizh, war un takad braz a 75km². Embregerezh spagnol Iberdrola an hini eo a zo e penn ar chanter-se, dre e is embregerezh breizhad Ailes Marines. War ar renk emañ ivez er galv da ginnigoù un eil parkad tourioù-avel er mor, nepell eus Enez Groe. Pal Iberdrola, eme-eñ, eo « sevel ur raktres kiriek ha padus ». An embregerezh spagnol eo an hini pouezusañ er bed da geñver energiezh an avel, met n’eo ket evit-se eo aes ar jeu ganti e Bae Sant-Brieg.

Ul lusk braz ha trouzus a zo savet a-enep d’ar raktres, kaset war-raok da gentañ penn gant pesketourien ar vro, hag a zo ankeniet evit poblañsoù pesked ha kregin er mor, hag evit o labour-dezhe. Koulskoude e vez embannet splann gant an embregerezh eo « kizidig ouzh gwareziñ an endro ». Met peta ‘zo kuzhet a-drek d’ar c’homzoù-se ? Sed aze ar pezh eo bet o klask kazetennerezed Splann !, dre un enklask dokumantel braz e 5 yezh disheñvel. Bet lakaet o frioù e raktresoù all « energiezh c’hlas » Iberdrola, e kevandirioù all, pell eus daoulagad ar Vreizhiz.

Kar pell a-raok dont da sevel rodoù-avel e Breizh e oa bet Iberdrola o staliañ bern reoù all e Amerika. Ha kalz traoù a zo da ziskoachañ : lazhet kementadoù braz a laboused, marvet tonennoù a besked, gwallet gwirioù Bugel-Den memes hervez kalzig a vammennoù, ha zoken, nepell eus tourioù-avel an embregerezh, drouklazhet stourmerien amerindian…

Pemp skwer a zo bet studiet a-dost gant kazetennerezed Splann !, gant ar pal da ziskouez d’ar Vretoned ar pezh a vez graet, e broioù pell, gant an embregerezh an hini a zo oc’h en em staliañ e morioù hon bro Vreizh. Tro-war-dro raktresoù Iberdrola, poanioù ‘zo n’int ket prest da vout pareet.

9.900

Sed aze niverenn a laboused ha logod-dal ‘zo bet lazhet digant ar rodoù-avel La Venta II dindan ur bloavezh, hervez ar Bank Bedel. An 98 rod-avel-se ‘zo e Bro D/Tehuantepec (Oxaca) e Mec’hiko. Savet int bet gant Iberdrola dre e is-embregerezh Iberinco. Savet int bet e-kreiz un hentad ‘zo e-touez ar re bouezusañ er bed evit al laboused-tremeniat (690.000 laboused o tremen bemdez), hervez ar studiadenn zo bet graet a-raok ar raktres.

« Enklask diwar-benn parkadoù rod-avel e Bro D/Tehuantepec zo ur boelladenn dañjerus rak ‘vez eus strolladoù galloud hag ivez, hervez ar gouarnamant, eus ar mafia. »

Ur c’hazetenner eus Mec’hiko ‘neus c’hoant chom dianv.

Lennit hon enklask « Iberdrola. Pa vez lous an energiezh “naet” »

Abonnez-vous à notre infolettre

Recevez chaque mois des contenus inédits par courriel et soyez alertés de nos nouvelles enquêtes. C'est gratuit ! (ou en breton ici)

E brezhoneg ? Ou en français ?

Vous pouvez visiter notre site en breton ou fermer cette fenêtre pour continuer votre navigation.

Soutiendrez-vous notre journalisme d'enquête ?

En tant que journalistes, nous avons fondé Splann ! pour mener des enquêtes au long cours sur des sujets sensibles qui touchent à la Bretagne. Vous pouvez lire ici nos motivations.

Notre mission exige de rester indépendants de toute puissance politique et d'argent. Les contributions de nos lectrices et lecteurs sont donc essentielles pour financer un travail gourmand en ressources et garder nos articles accessibles à tous. Si vous le pouvez, envisagez de nous faire un don ponctuel, mensuel ou annuel. Il ouvre droit à une réduction d'impôt. Merci.