220718 - Splann ! Incendie à Brasparts dans les monts d'Arrée Crédits Thesupermat Wikimedia Commons
Dastumet evidoc’h e miz Gouere 2022

by | 26 07 2022

Bep miz ‘vez kinniget deoc’h gant « Splann ! » pennadoù, enklaskoù ha teulfilmoù hon eus kavet dedennus da lakaat war wel.

🔥 Kreizenn nukleel ha tan. Ne oa ket mouget an tan e Menez Are c’hoazh pa oamp o skrivañ al lizher kelaouiñ, hag adkroget eo nepell eus kreizenn nukleel kozh Brenniliz. Peadra da lak an implijidi da vont kuit, ha da gaat anken war ar riskloù a c’hellfe bezañ. Ur poltred da adkavout war Mediapart ha ‘neus lakaet asambles ur bern skeudennoù « fin ar bed » eus an hañv.

🤢 Bezhin glaz. Dimerc’her 20 a viz Gouere eo bet muzuliet e Hilion gant Aer Breizh muioc’h a hidrogen sulfuret eget ar pezh ‘zo yac’h d’an dud da alaniñ, eme France 3. Gall a ra lazhañ tud ha loened ar gaz-se a zeu eus ar bezhin glas o vreinañ war an aod. A-drugarez d’ar re a stourm evit an endro eo bet lakaet e plas ar sistem-se da vuzuliañ an hidrogen ‘ba’n aer. Pad all ne oa ket a-du ar stad ha lod eus dilennidi lec’hel.

🐖 Roz ‘vez kig moc’h. « Nitrites » ‘vez kavet e 75% eus kig moc’h ‘vez gwerzhet e stalioù braz. Produioù kimiek a-benn ma vefe roz ar c’hig hag evit ma padfe hiroc’h ‘zo dañjerus evit ar yec’hed hervez an Anses (Ajañs vroadel surentez ar yec’hed hag ar boued). Krank-bev e c’hall an dud kaout ma ‘vez debret re a « nitrites ». Gant ar JDD eo bet embannet an titouroù-mañ. ‘Barzh ar memes dokumant ‘vez lâret gant an Anses ez eus re a nitratoù ivez en dour ‘vez evet ganeomp. Ur saotradur dañjerus a zeu eus ar memes disaverezhioù moc’h industriel hag eus an hañvouez kaset ‘ba’n dour. Gwashoc’h gwasañ ‘vo ar jeu gant ma vanko dour. Setu ar Vretoned taped div wech.

🏡 Bretoned didoenn. Diaes-tre eo ar jeu e Breizh er mare-mañ gant al lojeiz. Prenañ pe feurmiñ ‘zo tost dibosupl evit lod eus ar boblañs, memes war ar maez e Kreiz-Breizh, eme Le Monde. Hag ar re yaouank ‘zo ar re a dap gwashañ. Pad all ‘vez kalzig a stourmoù a glask cheñch ar jeu hag a c’houlenn ‘vefe graet war-dro ar marc’had, ‘vel ma’z eo bet gwelet gant CQFD. Klevet ‘vez kalzig kaozeal eus statud annezad a-benn ma vefe prennet tiez nemet gant ar re o chom er vro adalek ouzhpenn ur bloaz. Setu ar pezh ‘neus klasket kompren Reporterre.

📞 Ken aes hag ur bellgomzadenn. Abaoe mizvezhoù emañ ar Vretoned o stourm evit ma vefe dalc’het gwiliouderezh ospital Gwengamp. Met pad all eo aet war-raok an afer buan hag aes dre Noël Le Graet, penn-rener un embregerezh agro-boued gant 800 implijad betek 2015 ha bremañ prezidant Kevread mell-droad Frañs. Gantañ eo bet pellgomzet da Emannuel Macron, e c’haller lenn en Ouest-France, a-benn ma ne vefe ket sac’hed ar gwiliouderezh rak eo bet ganet eni merc’h kuñv Le Graet. Hag evel-just eo bet asantet gant aotroù prezidant, n’eus ket nemet goulenn. 

🚜 Fulor en disaverezhioù. Gant gouarnamant an Izelvroioù eo bet divizet digreskiñ niver al loened disavet en un doare industriel a-benn digreskiñ an azot kaset ‘ba’n aer. En ur pennad skrivet gant Marianne ‘vez lennet int bet da vanifestiñ al labourerien-douar en un doare feulz. Bet int bet betek skeiñ ouzh kirri-tan ar polis, hag ar re-se o ‘deus tennet gant boledoù gwirion war un traktour.

⚖️ Sal justis goulo. Gwelet en Télégramme goude prosez Tilly-Sabco, embregerezh breton produiñ kig yer braz divent zo aet d’ar strad un nebeud bloavezhioù zo. Ne oa nemet unan eus pennoù-rener an embregerezh ‘zo deuet d’ar prosez-mañ. N’eo ket bet gwelet tamm ebet Daniel Sauvaget, a ‘oa penn braz Tilly ivez hag a zo bremañ e karg eus embregerezh boued skornet Ecomiam. Ha zoken eo bet tapet gantañ 15.000 € eus ar stad bep miz evit savetañ Tilly-Sabco. Kumuniezh Kumunioù pe ar CCI hag all melestradurioù publik o ‘deus roet an arc’hant n’int ket bet gwelet er prosez kennebeut.

Lakit hoc’h anv a-benn degemer hon lizher-kelaouiñ

Abonnez-vous à notre infolettre

Recevez chaque mois des contenus inédits par courriel et soyez alertés de nos nouvelles enquêtes. C'est gratuit ! (ou en breton ici)

E brezhoneg ? Ou en français ?

Vous pouvez visiter notre site en breton ou fermer cette fenêtre pour continuer votre navigation.

Soutiendrez-vous notre journalisme d'enquête ?

En tant que journalistes, nous avons fondé Splann ! pour mener des enquêtes au long cours sur des sujets sensibles qui touchent à la Bretagne. Vous pouvez lire ici nos motivations.

Notre mission exige de rester indépendants de toute puissance politique et d'argent. Les contributions de nos lectrices et lecteurs sont donc essentielles pour financer un travail gourmand en ressources et garder nos articles accessibles à tous. Si vous le pouvez, envisagez de nous faire un don ponctuel, mensuel ou annuel. Il ouvre droit à une réduction d'impôt. Merci.