C’hoant ‘neus Rannvro Breizh staliañ mil labourer-douar ar bloaz bep bloaz. Hiziv n’eus nemet 500 a-boan a zeu a-benn d’en em staliañ e-keit ma weler tiez-feurm divent o tont war wel dre doareoù luziet d’o sevel diouzh al lezenn.
Postet zo bet arc’hant evit ma teufe da vezañ bev en-dro stêrioù an Iêr ha Pontplenkoad, e Penn-ar-Bed. Hag ez ae mat a-walc’h an traoù. Betek m’az oant bet saotret ar miz-mañ gant soud. Marv eo pep tra bremañ : lakaet da goll ar vevliesseurted hag an arc’hant publik.
Un notenn diabarzh sinet gant « Les Z’Homnivores », kevredigezh greantourien ar c’hig, skoazellet gant Rannvro Breizh, a ro eus ar c’hazetenner Nicolas Legendre ur skeudenn stourmer « ar wirionez nevez », stag ouzh « an tu kleiz pellañ », o kas « ur brezel personel ‘benn diskar al labour-douar hag ar produerezh boued e Breizh ». An destenn-se a fell deomp embann d’an holl en he fezh dre ma tiskouez splann ur youl kontrol d’ar breud demokratel.
Titouroù « Splann ! ». Benn ar fin en deus torret Dinan Tolpad-kêrioù an emglev da brogrammiñ an abadenn-BD «Bezhin glas» e Pllancoet (Plancoët), raktreset evit miz genver 2024. O c’houzout eo prezidant an tolpad-kêrioù-se is-prezidant Rannvro Breizh al labour-douar, e tiskler ar strollad Mnemotechnic a gustum aozañ an abadenn-se diwar vandenn dreset Inès Léraud ha Pierre Van Hove, ez eus danvez « kontrollerezh politikel » en diviz-se.
Ur bern aerborzhioù zo e Rannvro Breizh, re evit un dachenn ken bihan kredapl. Setu perak ez eus kaoz eus serriñ reoù zo. Met kentoc’h evit abegoù ekonomikel eget abegoù endroel. E Kemper (29) e lâr rannvro Breizh n’he deus ket c’hoant kenderc’hel da blantañ arc’hant en aerborzh. A-hend-all ez eus bet krouet daou hent beaj nevez gant an embregerezh a ra war o zro.
E Plouvorn, 2.900 a annezidi, ez eus tost da 80.000 porc’hell a-dreñv mogerioù teñval ar 17 atant desevel ezdouar. 25 gwech muioc’h a voc’h eget a annezidi. Ar gazetennerien Kristen Falc’hon (« Splann ! ») ha Florianne Louison (« Mediapart ») o deus kaset da benn an enklask diwar-benn efedoù an disaverezhioù moc’h-se.
Vous pouvez visiter notre site en breton ou fermer cette fenêtre pour continuer votre navigation.
Ne plus me montrer cette fenêtre et poursuivre ma navigation
Recent Comments