Metanaat, yec’hed mat !

Metanaat, yec’hed mat !

Ar staliadurioù metanaat a lonk ur meskaj distaoladennoù disheñvel, gant orinoù liesseurt, dañjerus a-wechoù. Ma n’eus ket bet kemennoù diwall groñs c’hoazh betek hen e vez chalet tud zo gant ar riskl da strewiñ kleñvedoù. Daoust da se en devez darn vrasañ ar metanerezioù un aotre kuit dezho da yec’hedusaat al lastez, a-benn suraat an dilaoskadennoù dañjerus ha klañvuzennnoù enno.

Koll-boued ar metanaat

Koll-boued ar metanaat

E plas boueta an dud hag al loened e vez pourvezet metanerezioù gant boued hag edaj. N’eo ket diaes d’al labourerien-douar mont e-biou d’al lezenn a-benn gounit «maiz enerjetek» forzh pegement. Truchañ a ro an tu da c’hounit muioc’h a arc’hant, peogwir eo gopret gwelloc’h ar produiñ energiezh eget an desevel saout.

Embregerezhioù bras rouanezed ar maezioù

Embregerezhioù bras rouanezed ar maezioù

Al labourerien-douar a zo ar re gentañ o vetanaat e Breizh… met eostad ar gaz n’aio ket ganto. Embregerezhioù bras an energiezh a vir gounidoù ar gaz produet, ha lakaat ar gouerien alese da bourvezer lastez tra ken.

Metanaat kousto pe gousto

Metanaat kousto pe gousto

Sañset e vez pep tra dindan evezh, sañset. War baper, pa vez ur staliadur gant riskloù bras ken ken e vez strishoc’h ar reolennoù hag ensellet aliesoc’h kuit da gaout an disterañ gaouad war yec’hed an dud, hini al loened, war ar plant, ar struj. E gwirionez e vez disdalc’hioù a bep seurt gant ar staliadurioù metanaat breton. Ne vez ket ensellet al lec’hioù-se tamm ebet. Pep a c’hell ober ar pezh a gar hep kaout aon rak an disterañ kastiz, en desped d’ar riskloù bras.